Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Noǵaev paralimpiadalyq sport túrlerinen el namysyn qorǵap júrgen jańaózendik sportshylardy marapattady

Dalanews
Noǵaev paralimpiadalyq sport túrlerinen el namysyn qorǵap júrgen jańaózendik sportshylardy marapattady
Mańǵystaý oblysy ákimi Nurlan Noǵaev keshe Jańaózen qalasyna baryp, Mańǵystaý oblysyn damytýdyń keshendi jospary aiasynda júzege asyrylyp jatqan áleýmettik nysandardyń qurylysymen tanysty. Sapar barysynda óńir basshysy "Alǵa" voleibol klýbynyń matchyna qatysyp, sportshylardy paralimpiadalyq sport túrlerin damytýǵa qosqan úlesi úshin alǵys hattarmen marapattady, – dep habarlaidy Dalanews.kz Mańǵystaý oblysy ákiminiń baspasóz qyzmetine silteme jasap.

Birinshi kezekte aimaq basshysy 120 adamǵa arnalǵan angarlyq tiptegi sport keshenine bardy. Sport kesheninde voleibol, basketbol jáne shaǵyn fýtbol alańdary jáne jattyǵý jasaýǵa arnalǵan zaldar bar, sondai-aq jekpe-jekpen ainalysýǵa barlyq jaǵdai jasalǵan.

Aita ketý kerek, Mańǵystaý oblysyn damytýdyń keshendi jospary aiasynda Jańaózen qalasynda osyndai 8 sport zaly jáne 10 sport alańyn salý josparlanýda.

2023 jyly "Aýyl el besigi" baǵdarlamasy aiasynda Teńge jáne Qyzylsai aýyldarynda 2 jobanyń qurylysy qolǵa alynady.

Sondai-aq, aimaq basshysy qaladaǵy jaiaý júrginshilerge arnap salynyp jatqan alleiaǵa bardy. Onda shaǵyn sáýlet nysandary, eko stilindegi balalar oiyn alańdary, qolónershilerge arnalǵan kiiz úiler, art-nysandar, fotozonalar, workout alańdary, sýburqaqtar, kóleńkeli qalqalar, sahna, mýraldar jáne saýda pavilondary ornalasady.


Nurlan Noǵaev odan ári qazirgi tańda kúrdeli jóndeýden ótip jatqan "Oqýshylar saraiynda" boldy. Jóndeý jumystary aiaqtalǵannan keiin ǵimaratta jastar ortalyǵy ashylady. Onda robototehnika, sándik dizain, dybys jazý, teatr, fotostýdiia, kovorking, sporttyq jáne t. b. úiirmeler jumys isteitin bolady.

Jumys saparynyń sońynda oblys basshysy "Alǵa" sport klýbynyń múmkindigi shekteýli sportshylarymen kezdesti.

Múmkindigi shekteýli jandarǵa arnalǵan "Alǵa" sport klýby 1990 jyly qurylǵan. Atalǵan klýbtyń sportshylary 11 márte Qazaqstan chempiony atanyp, London, Finliandiia, Polsha, Antaliia, Kambodjada ótken kóptegen halyqaralyq jarystarda júldeli oryndarǵa ie bolyp júr.

Jańaózen qalasynyń paralimpiadashylary Qazaqstan ulttyq quramasynyń músheleri jáne Malaiziiada ótken paralimpiada oiyndarynda 3 qola medal jeńip aldy. Klýb sportshylary otyryp oinaý volleiboly, jaǵajai volleiboly, ústel tennisi, arbamen bileý jáne aýyr atletika siiaqty sport túrlerinde óner kórsetedi.

Qazirgi ýaqytta sportshylar №1 JOM bazasynda jattyǵady. Sport zaldarynyń biriniń qurylysy aiaqtalǵannan keiin Mańǵystaý oblysyn damytýdyń keshendi jospary aiasynda múmkindigi shekteýli sportshylar yńǵaily jaǵdaida jattyǵa alady.



Óńir basshysy óz kezeginde sportshylarǵa oblystyń paralimpiadalyq sport túrlerin damytýǵa qosqan úlesi úshin alǵysyn bildirdi.

– Óz jeńisterińiz arqyly sizder erlik pen múmkindikterdiń sheksiz ekenin dáleldedińizder. Sizderdiń jetistikterińiz – bul qajyrly eńbek pen berik rýhtyń nátijesi.  Ómirde jetistikke jetý jolynda adamnyń qolynan kelmeitin nárse joq ekenin kóp jastarǵa dáleldep, úlgi bolarlyqtai nátije kórsetip júrsizder, – dep atap ótti Nurlan Noǵaev.

Jiyn sońynda oblys ákimi paralimpiadalyq sport túrlerin damytýǵa qosqan úlesi úshin sportshylardy alǵys hattarmen marapattady.
jańaózen Finliandiia London Mańǵystaý Polsha Nurlan Noǵaev Qyzylsai Antaliia Kambodjada Madina Sádýaqasova

Oqi otyryńyz