Qala men aýyl arasyndaǵy bilim berý sapasyndaǵy alshaqtyqty azaitý maqsatynda jáne jalpy bilim berý júiesin damytýǵa baǵyttalǵan jobanyń birin «Eurasian Center for People Management» kompaniiasy júzege asyrýda. Atalǵan jobaǵa 23 aýyldyq jáne qalalyq mektep qatysyp jatyr.
– Baǵdarlama aiasynda oblystyń jalpy bilim beretin mektepterine kóshpeli zertteýler júrgizildi. Sonyń negizinde mentorlyq qoldaý arqyly mektepterdiń basqarýshy toptaryn oqytý jobasy ázirlenip, oryndaldy.
2025 jylǵa deiin 23 mekteptiń damý strategiiasy ázirlenedi. Jobaǵa qatysýshylar, sonyń ishinde aǵylshyn tili muǵalimderi oqýshylardy óz betinshe jumys isteýge úiretip, yntalandyrý, al matematika muǵalimderi «Matematika sabaǵyn qalai sátti ótkizýge bolady?» degen suraqqa jaýap izdedi. Osy rette olar jańa kózqaraspen: "Matematika ózgermeidi, muǵalim ózgerýi múmkin" degen tujyrymǵa keldi, – deidi joba jetekshisi Ásel Kákenova.
Al Jańaózen qalasynyń mektepterine «Bilim-innovatsiia» litseiiniń jumys tájiribesi engizilip jatyr. Jobaǵa 6 mektep, 757 muǵalim qatysady.
– Biz balalarǵa birdei bilim berýdi qamtamasyz etýimiz kerek. Qarapaiym sózben aitqanda, balanyń dúniege kelgen jeri, onyń ózin-ózi tanýyna, armandary men ambitsiialaryna shekteý bolmaýy mańyzdy.
Bilim berý protsesinde qoldanylatyn álemdik deńgeidegi ozyq jetistikterdiń óńirde tolyqqandy oryndalýy kerek. Biz, jergilikti atqarýshy organnyń ókilderi retinde ákimshilik, qarjylyq qoldaý kórsetýge daiynbyz.
Adami kapitaldy tolyqtyryp, qoǵamnyń belsendi damýyna yqpal etetin bilimdi de bilikti, eń bastysy nieti bar jastardy qalyptastyrýymyz qajet, – dedi Nurlan Noǵaev.
