Osylaısha 3-13 qazan aralyǵynda ótken Nobel syılyǵynyń ıgerlerin anyqtaý kezeńi aıaqtaldy. Bıyl fızıologıa men medısına salasynda bul syılyqty japon ǵalymy Esınorı Osýmı alsa, fızıkadan AQSH, Shotlandıa jáne Brıtanıa ǵalymdary ıelendi. Olar: Devıd Taýles, Dankan Haldeın jáne Djon Kosterlıs. Al, hımıa boıynsha Jan-Per Sovaj, Freızer Stoddart pen Bernard Ferınga syılyqty bólisti. Olar Fransıanyń, Shotlandıa men Nıderlandynyń ǵalymdary edi. Sonymen birge óz elindegi jarty ǵasyrǵa sozylǵan qaqtyǵysty toqtatqany úshin Kolýmbıa prezıdenti Hýan Manýel Santosqa beıbitshilik salasyndaǵy Nobel syılyǵy berilgen bolatyn.
Jalpy, ádebıet salasynda bul syılyq 1901 jyldan beri 108 ret berilipti. Syılyqqa ıe bolǵandardyń arasynda 14 áıel adam bar. Odan bólek syılyq birqatar tilde shyǵarma jazǵan jazýshylarǵa berilgen. Dálirek aıtsaq laýreattardyń 27 i aǵylshyn tilinde eńbek jazsa, 14 jazýshy fransýzsha, 13 ádebıetshi nemisshe, 11 avtor ıspansha, jeteýi shved tilinde, alty jazýshy oryssha, taǵy osynsha avtor ıtalıan tilinde eńbek jazypty. Al, polák tilinde 4, norveg tilinde shyǵarma jazǵan 3, dat tilinde jazǵan 3 avtor osy syılyqty alǵan eken. Olardan bólek birli-jarym ózge tilderde jazatyn avtorlar da bar. Máselen grek, japon jáne qytaı tilderinde shyǵarma jazǵan avtorlar qos-qostan bolsa, arab, bengal, túrik, ırvıt, cheh, fın, vengr tárizdi birqatar tilderde shyǵarma jazatyn avtorlardyń ishinde bir-birden Nobel syılyǵyn ıelengender bar.
Derekkóz: "Aıqyn" gazeti