N.Nazarbaev: "Osy kúnderi ary ketse 3-4 saǵat qana uiyqtap júrmin"
"Bir ai buryn meniń salqyn tiip syrqattynyp qalǵanym jaily halyqqa aitqanda men qazaqstandyqtardyń myńdaǵan tilekterin oqyp shyqtym. Osy sátti paidalana otyryp Internette, saittarda jazylǵan, blogerlerdiń jazǵan tilekterine jáne barlyǵyna alǵys aitamyn. Salqyn tiip syrqattanyp qalǵanym jaily aitýǵa týra keldi, sebebi halyqaralyq saparlardy - Ázirbaijan men Armeniiaǵa josparlanǵan saparymdy keiinge shegerý kerek boldy. Sebebi adam dene temperatýrasy men jótel bola tura, bir jaqqa bara almaidy ǵoi", - dedi QR Prezidenti Seýldegi saparynyń qorytyndysy boiynsha jýrnalisterge arnalǵan brifingte.
"Maǵan jandarynyz ashyp, tilektestik bildirgenderińiz úshin kóp raqmet", - dedi Memleket basshysy.
Sondai-aq, Memleket basshysyna onyń jumystyń mundai qarqynyna qalai ilesip júrgenin, iaǵni birden eki saparǵa barýǵa qalai úlgerip júrgeni jaily suraq qoiyldy.
"Árdaiym sergek bolý kerek. Men komandirdyń árqashan alda bolyp, densaýlyǵy myqty bolý kerektigin bilemin. Prezidenttiń jumysy osyndai, ózindi tolyqtai jumysqa arnaý qajet, jumystan tys ýaqytta da. Osylai ǵana tapsyrylǵan mindetterdi oryndaýǵa bolady", - dedi Nazarbaev.
Eske sala keteiik, 11 qazanda Nazarbaevtyń salqyn tiip syrqattanyp qalǵany habarlanǵan bolatyn. "Salqyn tiip syrqattanyp qalýyna bailanysty Qazaqstan Respýblikasynyń Prezidenti N.Á.Nazarbaev em qabyldaýda", - delingen edi Aqordanyń habarlamasynda.
"Men qyzmet ústinde júrmin, bul meniń jumysym, sondyqtan da jumystan, jaýapkershilikten sharshamaimyn. Bul halqymnyń, elimniń aldyndaǵy jaýapkershilik. Ózge elderge barǵanda basqa ýaqyt belbeýine ótý óz aldyna. Bir baiqaǵanym, batysqa barǵansha, shyǵysqa barý ońaiyraq. Árine, sharshap, uiqy qanbaidy. Osy kúnderi ary ketse 3-4 saǵat qana uiyqtap júrmin. Erte jatsam da, uiqy joq. Bul bir jaǵynan jaqsy da shyǵar - beiimdelýdiń qajeti bolmaidy, óz ýaqytymyzdy qalamyz. Mi únemi jumys istep turady, kúrdeli kelissózder júrgizý kerek, onyń nátijeli bolyp aiaqtalýy mańyzdy. (...) Álem isine, iadrolyq qarýdan bas tartý isine adal bolýymyzdyń arqasynda kóptegen eldiń qurmetine ie boldyq, sondyqtan sharshamaimyn", - dedi Memleket basshysy Seýl qalasyna jumys saparynyń qorytyndysy boiynsha brifingte.
Oǵan qoiylǵan suraqtyń máni Prezidenttiń eki birdei sapardy qalai jasaityny, osyndai tyǵyz jumys kestesine qalai shydaityny jaiynda edi.
Ol Prezident árdaiym sergek bolýy kerek dep esepteidi.
"Komandir aqbozatymen árdaiym alda ári saý júrýi kerek, prezidenttiń jumysy osyndai, jumysqa ózińdi arnaýyń kerek, bar ýaqytyńdy, densaýlyǵyńdy arnaisyń, jumystan tys ýaqytta da. Osylai ǵana tapsyrylǵan mindetterdi oryndai alamyn", - dedi Nursultan Nazarbaev.
