Májilistiń eks-tóraǵasy Nurlan Nyǵmatýlinniń uldarymen bailanysty Reseidegi «Novodjambýlskii fosfornyi zavod» kompaniiasynyń aktivterine shekteý qoiyldy. Bul kompaniianyń qaryzdarymen bailanysty, - dep habarlaidy Dalanews.kz.
"Kemerovo oblysynyń tórelik soty "Gornorýdnaia kompaniia" JShQ-nyń ótinishterin qanaǵattandyryp, "Qazaqstan Halyq banki" AQ-ǵa jáne Máskeýdegi "Moskommertsbank" kommertsiialyq banki "Novodjambýlskii fosfornyi zavod" JShS-niń (NDFZ) aqshalai qarajatyna shekteý qoidy. Eki eldegi bankte shekteý qoiylǵan somalar - 196,33 million rýbl jáne 513,23 million rýbl", - dep habarlaidy reseilik "Kommersant" basylymy.
Sot materialdarynda osy talaptar boiynsha aldyn ala otyrystar 22 sáýirge jáne 29 mamyrǵa josparlanǵan.
"Óndirip alý qazaqstandyq seriktestiń taý-ken kompaniiasymen kelisimsharttary boiynsha bereshegine bailanysty júrgiziledi. Onyń veb-saitynda ol kómirtekti koksty jetkizetini kórsetilgen. "NDZF" JShS fosfattardy óndiredi jáne olardy tyńaitqyshtar men basqa da ónimderge óńdeidi", - delingen basylym materialynda.
Buǵan deiin Reseide Nyǵmatýlinniń uldarymen bailanysty kompaniialardyń shoty buǵattalǵanyn jazǵan bolatynbyz. "NDFZ" JShS-niń aǵymdaǵy shotynda (...) jáne basqa aǵymdaǵy shottarda ornalasqan jáne alynǵan 158 851 237,80 rýbl qarajat buǵattalsyn", - delingen Kemerovo oblysyndaǵy Arbitraj sotynyń habarlamasynda.
Batys Sibir elektrometallýrgiialyq kombinaty Novodjambýl fosfor zaýytyn sotqa bergen. Zaýyt qandai sebeptermen sotqa shaǵymdanýǵa sheshim qabyldaǵany belgisiz, biraq áńgime qaryzdy óndirý týraly bolýy múmkin.
Aita keteiik, buǵan deiin Nurlan Nyǵmatýlinniń týǵan baýyry Erlan Nyǵmatýlinniń basy daýǵa qalǵan bolatyn. Qaraǵandylyq kásipker Aleksei Lýkianchenko Erlan Nyǵmatýlin áli kúnge deiin reiderlik shabýyl jasap júrgenin aitty. Aleksei Lýkianchenko reiderlik shabýyl isi boiynsha qylmystyq is qozǵalýy keregin aitady. Sonymen qatar, kásipkerdiń sózinshe, Qaraǵandy oblysynda Nyǵmatýlinderdiń yqpaly áli de zor. Ol Nyǵmatýlinder aimaqtaǵy týristik salany óz qolyna alǵysy keletinin aitady.
