Nyǵmatýlinge tiesili zaýyt qaza tapqan qyzmetkerdiń otbasyna qansha qarjylai kómek beredi?

Erlan Nyǵmatýlinge tiesili zaýyt qaza tapqan qyzmetkerdiń otbasyna 10 jyldyq jalaqysyn beretin boldy, - dep habarlaidy Dalanews.kz.

"Ókinishke qaraĭ, jergilikti jáne sheteldik mamandardyń kásibiligine qaramastan, bizdiń áriptesimiz, óz isiniń sheberi, pesh bastyǵy Ismaĭlov Mýzafar Imantaĭuly ómirden ótti. YDD Corporation Mýzafar Imantaĭulynyń qaĭtys bolýyna baĭlanysty onyń týystary men jaqyndaryna qaĭǵyra otyryp, kóńil aĭtady. Búgingi tańda kompaniia jerleýdi uĭymdastyrý, as ótkizý jáne mazar salý boĭynsha barlyq shyǵyndardy óz moĭnyna alady, sondaĭ-aq  otbasyna barlyq qajetti qoldaýdy kórsetedi", - delingen kompaniia habarlamasynda.
⠀

Atap aĭtqanda, kompaniia kelesidei kómek kórsetedi:

• Otbasyn qoldaý úshin 10 jyldyq jalaqy mólsherinde birjolǵy tólem jasaĭdy.
• Otbasynyń turǵyn úĭ jaǵdaĭyn jaqsartýǵa kómek kórsetedi.
• Qyzmetker men onyń jubaĭynyń barlyq nesielerin tolyq óteĭdi.

Aita keteiik, Qaraǵandydaǵy ferroqorytpa zaýytynyń segiz jumysshysy kenetten peshten shyqqan jalynnyń saldarynan qatty kúiik alyp, aýrýhanaǵa jetkizildi. Olardyń biri 22 shildede qaitys boldy. 

Dárigerler segiz naýqastyń altaýynyń jaǵdaiyn óte aýyr dep otyr.

"Dárigerler qoldan kelgenniń bárin jasaǵanymen, Qaraǵandy ​​ferroqorytpa zaýytynda zardap shekken jumysshyny aman alyp qala almady. 1993 jyly týǵan, denesiniń 85 paiyzy kúiip qalǵan, osy ýaqytqa deiin óte aýyr jaǵdaida bolǵan naýqas qaitys boldy. Marqumnyń jaqyn týystaryna shyn júrekten kóńil aitamyz", - delingen oblystyq densaýlyq saqtaý basqarmasynyń habarlamasynda.

Eske salaiyq, 20 shildede, tańǵy saǵat 04:10-da YDD Corporation ferroqorytpa zaýytynda shtattan tys jaǵdai boldy. Oqysta №1 peshten jalyn shyǵyp, saldarynan  kásiporynnyń 8 qyzmetkeri túrli dárejedegi jaraqat aldy. 

Kompaniia senbi kúni, 20 shildeniń tańynda zardap shekken barlyq qyzmetkerdiń aýrýhanada jatqanyn, olarǵa shuǵyl meditsinalyq kómek kórsetiletinin aitty.

YDD Corporation ferroqorytpa zaýyty Qaraǵandyda ornalasqan. Jylyna shamamen 240 myń tonna ferrosilitsii óndiredi. "YDD Corporation" JShS quryltaishysy kompaniianyń teń iesi Erlan Nyǵmatýlin boldy. 2021 jyly Forbes Kazakhstan nusqasy boiynsha Qazaqstannyń eń yqpaldy 50 biznesmeniniń reitingine kirdi.