Prezident janyndaǵy Ulttyq quryltaidyń múshesi, saiasattanýshy Daniiar Áshimbaev reiderlik shabýyl jasady degen Nyǵmatýlinderdi jaqtai tústi, - dep habarlaidy Dalanews.kz.
"Olar buryn sottalǵan nemese sotta jeńilgen adamdardy ádeii izdep jatqandai áser qalady eken - osylaisha olar eks spikerge jáne onyń kásipker inisine qatysty teris pikir qalyptastyrmaq", - deidi Áshimbaev telegram arnasynda.
Saiasattanýshy Nyǵmatýlinderge aqparattyq shabýyl jii jasalatynyn aitady.
"Diskreditatsiia boiynsha kampaniia áli de júrip jatyr. Ai saiyn "reiderlik" nemese "upailardy retteýge" qatysty jazbalar shyǵyp turady. Tipti bireý Erlan Nyǵmatýlin qamaýǵa alyndy dep, artynan ol ótirik aqparat bolyp shyqty. Nyǵmatýlinderge qatysty "qara mainerlerge" qatysty aqparat ta tarady, artynsha ol aqparat ta rastalmady.
Artynsha Daniiar Áshimbaev Nyǵmatýlinderdiń atqarǵan qyzmetin tizip, olardy maqtai túsken.
"Aiyptaýlar "Sondai qaýeset tarady", "Bári biledi", "Turǵyndardyń aitýynsha" degen siiaqty sózdermen taraidy. Keide tipti "Eýraziia banki" AQ basshylyǵynda 2011 jyly aǵaiyndy Nyǵmatýlinder bolǵan deidi. Biraq muny tekserse túbi ótirik ekeni anyq, biraq ony kim tekserip otyrady?", - deidi Áshimbaev.
Áshimbaevtyń sózinshe, reiderlik shabýyldar týraly aiyptaýlarǵa bireý tapsyrys bergen bolýy múmkin.
"Áshimbaevtyń ózine tapsyrys bergen bolýy múmkin, osylai nanyn taýyp otyr ǵoi. Munyń bárin 6-7 jyldyń ishinde oilap taba almaimyz ǵoi. Qujat boiynsha fakttyń bári bar ǵoi, jetinshi jylǵa ketip bara jatyr. Kezdeskenimiz týraly da – ulttyq qaýipsizdik komitetinenmeniń jáne nyǵmatýlinniń telefonyn teksere salýǵa bolady", - deidi Erlan Nyǵmatýlinniń reiderlik shabýylyna tap boldym degen kásipker Aleksei Lýkianchenko "Qaztag" basylymyna.
Buǵan deiin Aleksei Lýkianchenko Erlan Nyǵmatýlin onyń jyldar boiy milliondap qarjy quiyp salǵan qonaqúiin tartyp almaq ekenin aitqan bolatyn.
"Barlyq jerde aita bastadym (shabýyldar týraly), jýrnalisterge, qoǵamǵa úndeý jasadym, biraz ýaqyt ótkennen keiin jigitter kelip, menimen bireý sóileskisi keletinin aitty. Sosyn maǵan Erlan Zairýllauly qońyraý shalyp "Sen osyndai da osyndaisyń ba?" dedi. Men "iá" dedim. Erlan Nyǵmatýlin meniń jeke nómirime habarlasyp, ózine shaqyrdy. Men endi ǵana damyp kele jatqan kásipker ekenimdi jáne ol shaqyrǵan jerge bara almaitynymdy aityp edim, "jaqsy, saǵan kólik jiberemin, kel" dedi. Maǵan bir jigit keldi, men ony tanitynmyn, meni keńsesine apardy. Ol jerde jarty kún kútip, aqyry kezdestim. Ol maǵan "Seniń jaǵdaiyńdy bilemin, meniń túk qatysym joq, oǵan esh qatysym joq, osyny joqqa shyǵaryp, video túsir", - dedi", - deidi kásipker.
Kásipker sol sátte Erlan Nyǵmatýlinniń bul ideiasynan bas tartýdan qoryqqanyn aitady.
"Iaǵni solai aityldy, men bul ideiadan bas tarta almadym. Tipti bizdiń qalada buǵan deiin bir jigitti qamaýǵa alyp, qazir qylmystyq is qozǵalǵan jaǵdai bolǵan. Men de óz ómirime qoryqtym, mundai adamdar bárin isteidi ǵoi, olardyń jan-jaqta tanysy kóp. Sosyn óz adamy kelip, meni videoǵa túsirip aldy. Denis degen jigit, tegi esimde joq. Balqashtaǵy "Atamekendi" basqarady. Ol Erlan Nyǵmatýlinniń adamy eken", - deidi kásipker Aleksei Lýkianchenko.
Kásipker qonaqúiin 2015 jyly sala bastaǵan, sodan beri inspekter Sábira Qoianbaeva nysandy tekserip júrgen kórinedi. Problemalar qonaqúi jumys istei bastaǵannan keiin ǵana bastalǵan. Kásipkerdiń sózinshe, Qoianbaeva da - Nyǵmatýlinniń adamy.
Sonymen qatar, Nyǵmatýlinniiń adamdary kásipkerden prokýratýra nemese basqa da instantsiialarǵa júgingen ne júginbegenin únemi surap turǵan. Sottyń ózi bul isti birjaqty qarastyrǵan kórinedi. Bul istiń anyq-qanyǵyn anyqtaýǵa tyrysqan jalǵyz organ – bas prokýratýra eken. Biraq kásipker bul iske eks sýdia Meirambek Taimerdenov aralasqandyqtan iste jeńilgen dep oilaidy. Sebebi kásipker bul iske bas prokýratýranyń ózi aralasa bastaǵandyqtan iste jeńiske jetemin dep oilaǵan.
