پرەزيدەنت جانىنداعى ۇلتتىق قۇرىلتايدىڭ مۇشەسى، ساياساتتانۋشى دانيار اشىمبايەۆ رەيدەرلىك شابۋىل جاسادى دەگەن نىعماتۋليندەردى جاقتاي ءتۇستى، - دەپ حابارلايدى Dalanews.kz.
"ولار بۇرىن سوتتالعان نەمەسە سوتتا جەڭىلگەن ادامداردى ادەيى ىزدەپ جاتقانداي اسەر قالادى ەكەن - وسىلايشا ولار ەكس سپيكەرگە جانە ونىڭ كاسىپكەر ىنىسىنە قاتىستى تەرىس پىكىر قالىپتاستىرماق"، - دەيدى اشىمبايەۆ تەلەگرام ارناسىندا.
ساياساتتانۋشى نىعماتۋليندەرگە اقپاراتتىق شابۋىل ءجيى جاسالاتىنىن ايتادى.
"ديسكرەديتاسيا بويىنشا كامپانيا ءالى دە ءجۇرىپ جاتىر. اي سايىن "رەيدەرلىك" نەمەسە "ۇپايلاردى رەتتەۋگە" قاتىستى جازبالار شىعىپ تۇرادى. ءتىپتى بىرەۋ ەرلان نىعماتۋلين قاماۋعا الىندى دەپ، ارتىنان ول وتىرىك اقپارات بولىپ شىقتى. نىعماتۋليندەرگە قاتىستى "قارا ماينەرلەرگە" قاتىستى اقپارات تا تارادى، ارتىنشا ول اقپارات تا راستالمادى.
ارتىنشا دانيار اشىمبايەۆ نىعماتۋليندەردىڭ اتقارعان قىزمەتىن ءتىزىپ، ولاردى ماقتاي تۇسكەن.
"ايىپتاۋلار "سونداي قاۋەسەت تارادى"، "ءبارى بىلەدى"، "تۇرعىنداردىڭ ايتۋىنشا" دەگەن سياقتى سوزدەرمەن تارايدى. كەيدە ءتىپتى "ەۋرازيا بانكى" اق باسشىلىعىندا 2011 جىلى اعايىندى نىعماتۋليندەر بولعان دەيدى. ءبىراق مۇنى تەكسەرسە ءتۇبى وتىرىك ەكەنى انىق، ءبىراق ونى كىم تەكسەرىپ وتىرادى؟"، - دەيدى اشىمبايەۆ.
اشىمبايەۆتىڭ سوزىنشە، رەيدەرلىك شابۋىلدار تۋرالى ايىپتاۋلارعا بىرەۋ تاپسىرىس بەرگەن بولۋى مۇمكىن.
"اشىمبايەۆتىڭ وزىنە تاپسىرىس بەرگەن بولۋى مۇمكىن، وسىلاي نانىن تاۋىپ وتىر عوي. مۇنىڭ ءبارىن 6-7 جىلدىڭ ىشىندە ويلاپ تابا المايمىز عوي. قۇجات بويىنشا فاكتتىڭ ءبارى بار عوي، جەتىنشى جىلعا كەتىپ بارا جاتىر. كەزدەسكەنىمىز تۋرالى دا – ۇلتتىق قاۋىپسىزدىك كوميتەتىنەنمەنىڭ جانە ءنىعماتۋليننىڭ تەلەفونىن تەكسەرە سالۋعا بولادى"، - دەيدى ەرلان ءنىعماتۋليننىڭ رەيدەرلىك شابۋىلىنا تاپ بولدىم دەگەن كاسىپكەر الەكسەي لۋكيانچەنكو "قازتاگ" باسىلىمىنا.
بۇعان دەيىن الەكسەي لۋكيانچەنكو ەرلان نىعماتۋلين ونىڭ جىلدار بويى ميلليونداپ قارجى قۇيىپ سالعان ءقوناقۇيىن تارتىپ الماق ەكەنىن ايتقان بولاتىن.
"بارلىق جەردە ايتا باستادىم (شابۋىلدار تۋرالى)، جۋرناليستەرگە، قوعامعا ۇندەۋ جاسادىم، ءبىراز ۋاقىت وتكەننەن كەيىن جىگىتتەر كەلىپ، مەنىمەن بىرەۋ سويلەسكىسى كەلەتىنىن ايتتى. سوسىن ماعان ەرلان زايرۋللا ۇلى قوڭىراۋ شالىپ "سەن وسىنداي دا وسىندايسىڭ با؟" دەدى. مەن "ءيا" دەدىم. ەرلان نىعماتۋلين مەنىڭ جەكە نومىرىمە حابارلاسىپ، وزىنە شاقىردى. مەن ەندى عانا دامىپ كەلە جاتقان كاسىپكەر ەكەنىمدى جانە ول شاقىرعان جەرگە بارا المايتىنىمدى ايتىپ ەدىم، "جاقسى، ساعان كولىك جىبەرەمىن، كەل" دەدى. ماعان ءبىر جىگىت كەلدى، مەن ونى تانيتىنمىن، مەنى كەڭسەسىنە اپاردى. ول جەردە جارتى كۇن كۇتىپ، اقىرى كەزدەستىم. ول ماعان "سەنىڭ جاعدايىڭدى بىلەمىن، مەنىڭ تۇك قاتىسىم جوق، وعان ەش قاتىسىم جوق، وسىنى جوققا شىعارىپ، ۆيدەو ءتۇسىر"، - دەدى"، - دەيدى كاسىپكەر.
كاسىپكەر سول ساتتە ەرلان ءنىعماتۋليننىڭ بۇل يدەياسىنان باس تارتۋدان قورىققانىن ايتادى.
"ياعني سولاي ايتىلدى، مەن بۇل يدەيادان باس تارتا المادىم. ءتىپتى ءبىزدىڭ قالادا بۇعان دەيىن ءبىر جىگىتتى قاماۋعا الىپ، ءقازىر قىلمىستىق ءىس قوزعالعان جاعداي بولعان. مەن دە ءوز ومىرىمە قورىقتىم، مۇنداي ادامدار ءبارىن ىستەيدى عوي، ولاردىڭ جان-جاقتا تانىسى كوپ. سوسىن ءوز ادامى كەلىپ، مەنى ۆيدەوعا ءتۇسىرىپ الدى. دەنيس دەگەن جىگىت، تەگى ەسىمدە جوق. بالقاشتاعى "اتامەكەندى" باسقارادى. ول ەرلان ءنىعماتۋليننىڭ ادامى ەكەن"، - دەيدى كاسىپكەر الەكسەي لۋكيانچەنكو.
كاسىپكەر ءقوناقۇيىن 2015 جىلى سالا باستاعان، سودان بەرى ينسپەكتەر ءسابيرا قويانبايەۆا نىساندى تەكسەرىپ جۇرگەن كورىنەدى. پروبلەمالار ءقوناقۇي جۇمىس ىستەي باستاعاننان كەيىن عانا باستالعان. كاسىپكەردىڭ سوزىنشە، قويانبايەۆا دا - ءنىعماتۋليننىڭ ادامى.
سونىمەن قاتار، ءنىعماتۋليننيىڭ ادامدارى كاسىپكەردەن پروكۋراتۋرا نەمەسە باسقا دا ينستانسيالارعا جۇگىنگەن نە جۇگىنبەگەنىن ۇنەمى سۇراپ تۇرعان. سوتتىڭ ءوزى بۇل ءىستى ءبىرجاقتى قاراستىرعان كورىنەدى. بۇل ءىستىڭ انىق-قانىعىن انىقتاۋعا تىرىسقان جالعىز ورگان – باس پروكۋراتۋرا ەكەن. ءبىراق كاسىپكەر بۇل ىسكە ەكس سۋديا مەيرامبەك تايمەردەنوۆ ارالاسقاندىقتان ىستە جەڭىلگەن دەپ ويلايدى. سەبەبى كاسىپكەر بۇل ىسكە باس پروكۋراتۋرانىڭ ءوزى ارالاسا باستاعاندىقتان ىستە جەڭىسكە جەتەمىن دەپ ويلاعان.
