Onyń aitýynsha, Parlament jumysy aiaqtalǵanǵa deiin Májiliske tiisti túzetýler engizilgen.
Túzetýlerdiń negizgi novellalarynyń biri negizsiz baiý úshin jaýapkershilikti engizý bolady. Bul biyldan bastap iske qosylǵan jalpyǵa birdei deklaratsiialaý tetiginiń logikalyq jalǵasy bolyp tabylady, – dedi ol.
Ol agenttiktiń shyǵystary olardyń zańdy kiristerinen edáýir asatyn memlekettik qyzmetshilerdiń jaýapkershiligin kúsheitýdi usynǵanyn atap ótti. Bul jaǵdaida sheneýnikke aiyppul nemese jumystan bosatý qaýpi bar.
Vedomstvo basshysy atap ótkendei, eldiń barlyq turǵyndary jalpyǵa birdei deklaratsiialaýmen qamtylǵan kezde novella jumys istei bastaidy. Onyń aitýynsha, bul "follow the money" qaǵidasymen tyǵyz bailanysty, iaǵni Memleket basshysy aitqan "aqshaǵa er".
Ol úshin Qazaqstan EYDU-nyń salyq aqparatyn Avtomatty almasýdyń Dúniejúzilik júiesine qosylýda.
Onyń kómegimen biz sheteldik shottar men aktivter týraly málimetter alý múmkindigine ie bolamyz. Endi jemqorlar aqshany shetelde jasyra almaidy, - dep atap ótti M. Ahmetjanov.
Sybailas jemqorlyqqa qarsy is-qimyl agenttigi óz qatarlarynyń tazalyǵyna erekshe kóńil bóledi. Ol bul jumys shenderi men laýazymdaryna qaramastan turaqty túrde júrgizilip kele jatqanyn atap ótti.
Esterińizde bolsa, ótken jyly Agenttiktiń ortalyq apparaty basshylarynyń biri para alǵany úshin ustalǵan. Sot úkimimen ol 11 jylǵa bas bostandyǵynan aiyryldy, - dedi Agenttik Tóraǵasy.
Onyń aitýynsha, aǵymdaǵy jyly tártip buzǵany úshin 32 qyzmetker tártiptik jaýapkershilikke tartyldy, onyń ishinde 3 qyzmetker teris sebeptermen jumystan shyǵaryldy.
Jaqynda ǵana ishki qaýipsizdik qyzmeti Atyraý departamentiniń qyzmetkerin ustady. Qazir tergeý bastaldy. Mýndir abyroiyna kir keltirgen qyzmetkerlerdi aiaýsyz jazalaimyz dep Sizderdi sendirgim keledi , – dedi Sybailas jemqorlyqqa qarsy qyzmet basshysy.
