ونىڭ ايتۋىنشا، پارلامەنت جۇمىسى اياقتالعانعا دەيىن ماجىلىسكە ءتيىستى تۇزەتۋلەر ەنگىزىلگەن.
تۇزەتۋلەردىڭ نەگىزگى نوۆەللالارىنىڭ ءبىرى نەگىزسىز بايۋ ءۇشىن جاۋاپكەرشىلىكتى ەنگىزۋ بولادى. بۇل بيىلدان باستاپ ىسكە قوسىلعان جالپىعا بىردەي دەكلاراسيالاۋ تەتىگىنىڭ لوگيكالىق جالعاسى بولىپ تابىلادى، – دەدى ول.
ول اگەنتتىكتىڭ شىعىستارى ولاردىڭ زاڭدى كىرىستەرىنەن ەداۋىر اساتىن مەملەكەتتىك قىزمەتشىلەردىڭ جاۋاپكەرشىلىگىن كۇشەيتۋدى ۇسىنعانىن اتاپ ءوتتى. بۇل جاعدايدا شەنەۋنىككە ايىپپۇل نەمەسە جۇمىستان بوساتۋ ءقاۋپى بار.
ۆەدومستۆو باسشىسى اتاپ وتكەندەي، ەلدىڭ بارلىق تۇرعىندارى جالپىعا بىردەي دەكلاراسيالاۋمەن قامتىلعان كەزدە نوۆەللا جۇمىس ىستەي باستايدى. ونىڭ ايتۋىنشا، بۇل "follow the money" قاعيداسىمەن تىعىز بايلانىستى، ياعني مەملەكەت باسشىسى ايتقان "اقشاعا ەر".
ول ءۇشىن قازاقستان ەىدۇ-نىڭ سالىق اقپاراتىن اۆتوماتتى الماسۋدىڭ دۇنيەجۇزىلىك جۇيەسىنە قوسىلۋدا.
ونىڭ كومەگىمەن ءبىز شەتەلدىك شوتتار مەن اكتيۆتەر تۋرالى مالىمەتتەر الۋ مۇمكىندىگىنە يە بولامىز. ەندى جەمقورلار اقشانى شەتەلدە جاسىرا المايدى، - دەپ اتاپ ءوتتى م. احمەتجانوۆ.
سىبايلاس جەمقورلىققا قارسى ءىس-قيمىل اگەنتتىگى ءوز قاتارلارىنىڭ تازالىعىنا ەرەكشە كوڭىل بولەدى. ول بۇل جۇمىس شەندەرى مەن لاۋازىمدارىنا قاراماستان تۇراقتى تۇردە جۇرگىزىلىپ كەلە جاتقانىن اتاپ ءوتتى.
ەستەرىڭىزدە بولسا، وتكەن جىلى اگەنتتىكتىڭ ورتالىق اپپاراتى باسشىلارىنىڭ ءبىرى پارا العانى ءۇشىن ۇستالعان. سوت ۇكىمىمەن ول 11 جىلعا باس بوستاندىعىنان ايىرىلدى، - دەدى اگەنتتىك ءتوراعاسى.
ونىڭ ايتۋىنشا، اعىمداعى جىلى ءتارتىپ بۇزعانى ءۇشىن 32 قىزمەتكەر تارتىپتىك جاۋاپكەرشىلىككە تارتىلدى، ونىڭ ىشىندە 3 قىزمەتكەر تەرىس سەبەپتەرمەن جۇمىستان شىعارىلدى.
جاقىندا عانا ىشكى قاۋىپسىزدىك قىزمەتى اتىراۋ دەپارتامەنتىنىڭ قىزمەتكەرىن ۇستادى. ءقازىر تەرگەۋ باستالدى. مۋندير ابىرويىنا كىر كەلتىرگەن قىزمەتكەرلەردى اياۋسىز جازالايمىز دەپ سىزدەردى سەندىرگىم كەلەدى ، – دەدى سىبايلاس جەمقورلىققا قارسى قىزمەت باسشىسى.
