Astana ákimi Jeńis Qasymbektiń «Saraishyq» aýdanynyń turǵyndarymen ótken eseptik kezdesýinde qala turǵyny densaýlyq saqtaý júiesine qatysty máselelerdi kóterip, júieli problemalardy ashyq synǵa aldy, - dep habarlaidy Dalanews.kz
«Densaýlyqqa qatysty másele týyndap otyr, 14 mln teńgeniń dári-dármegi áli jetpei jatyr. Qabyldaýǵa da jazbady. Men únemi shetelge emdelýge baramyn. Sebebi bizde ne laboratariia, ne durys ortalyq joq. Úlken ortalyqtardy aqsha úshin ustap otyrmyz ba? Qajyrym taýsyldy. 6 ota jasadym. Shetelde meniń qujatyma da qaramaidy. Aqshań bolsa, emdeidi. Men páterimdi 23 jyl kúttim», - dedi qala turǵyny.
Qala ákimi máseleni jeke baqylaýǵa alyp, kómektesýge daiyn ekenin jetkizdi. Alaida turǵyn ákimniń sózin bólip, buǵan deiin de osyndai ýádeler berilgenimen, shynaiy kómek kórsetilmegenin alǵa tartty.
«Otadan keiin ońaltý úshin qajet dári-dármektiń quny – 450 myń teńge. Únemi doping qabyldap otyrýym kerek. Biraq memleket tarapynan aqsha bólinbeidi, dáriler joq. Byltyr 20 litr qan quiyldy», – dedi ol.
