Qazaqstannyń Tuńǵysh prezidentiniń nemeresi Nuráli Áliev ájesi Sara Alpysqyzy Nazarbaeva avtory ári negizgi ideology sanalatyn "Ózin-ózi taný" mektep pánin ári qarai damytýǵa nietti ekenin málimdedi, dep habarlaidy dalanews.kz.
Bul týraly Nuráli Áliev suhbattarynyń birinde aityp, jastarǵa rýhani-adamgershilik tárbie berýdiń mańyzyn atap ótti.
"Ózin-ózi taný" páni Qazaqstandaǵy mindetti mektep baǵdarlamasyna 2010-2011 oqý jylynda engizilgen.
Baǵdarlama Sara Nazarbaevanyń bastamasymen qolǵa alynyp, oqýshylardyń boiynda adamgershilik, meiirimdilik jáne ishki úilesimdilikti qalyptastyrýǵa baǵyttalǵan rýhani-adamgershilik tárbie kýrsy retinde usynylǵan.
Alaida 2022 jyly Qazaqstannyń Oqý-aǵartý ministrligi "Ózin-ózi taný" pánin mindetti pánder qatarynan alyp tastaý týraly sheshim qabyldady. Jariialanǵan buiryqqa sáikes, baǵdarlama mindetti mártebesinen aiyrylyp, fakýltativtik sabaq formatyna aýystyryldy.
Eske sala keteiik, buǵan deiin Nursultan Nazarbaevtyń shóberesi Lora Álieva TikTok jelisinde belsendi túrde video jariialai bastaǵanyn jazǵan edik.
