Agenttiktiń aqparaty boiynsha Nazarbaev kitaphanasynyń orynbasary ótken jylǵy jeltoqsan aiynyń ortasynda qamaýǵa alynǵan. Shaimergenovtiń ustalǵanyn portalǵa Astanadaǵy senimdi derekkóz habarlaǵan.
"Derekkózdiń málim etkenindei Kitaphana qyzmetkerin arnaiy qyzmet ókilderi elordada quryqtaǵan. Onymen birge áieli de qamaýǵa alynǵan. Shaimergenovtiń jubaiy syrt elderdiń birin zertteýmen ainalysatyn institýtqa basshylyq etken", – dep jazady agenttik tilshisi.
Resmi organdar men Kitaphana tarapynan buǵan qatysty qandai da bir túsinikteme berilmedi.
Shaimergenov buǵan deiin Nazarbaev basshylyq etken Qaýipsizdik keńesinde istegen, Aeroǵarysh jáne qorǵanys ónerkásibi vitse-ministri qyzmetin atqarǵan. Syrtqy ister ministrliginde Halyqaralyq aqparat komitetine jetekshilik etken.
Sońǵy jyldary Nazarbaev kitaphanasynyń basshylyq quramynda boldy. Orta Aziia men Qytaidy jetik biletin maman dep sanalady.
Aqparat ókilderi oqiǵanyń anyq-qanyǵyn bilý maqsatynda Kitaphanaǵa habarlasqanmen ondaǵylar jaýap berýden bas tartqan.
Buǵan deiin bilik basylymdaryna suhbat bergen Shaimerdenov: "Nursultan Nazarbaev álemdik kóshbasshy-reformatorlarmen bir qatarda tur", – degen bolatyn.
Onyń paiymdaýynsha Qazaqstandy qaryshtap damý jolyna salǵan "Nazarbaev modelinen" bas tartpaý qajet. Tuńǵysh prezident sheteldik, eýropalyq nemese amerikalyq damý modelin kóshire salmaǵan.
Álemdik tájiribedegi ámbebap qaǵidattardy iriktei otyryp, ol joldardy ulttyq kontekstke sheber engize bilgen. Jańǵyrtýdyń sáttiligi Tuńǵysh Prezidenttiń memlekettik basqarýdaǵy modeline tikelei bailanysty...
Sói degen Shaimerdenov Qańtar qyrǵynynan keiin birjolata bilikten ketken eks-prezidentti Atatúrik, Sharl de Goll, Franklin Rýzvelt, M.Mohamad, Margaret Tetcher, Li Kýan Iu sekildi áigili qairatkerlerdiń qataryna qosqan edi.
https://youtu.be/k3084_Sj8io
