Eks prezident Nursultan Nazarbaevtyń senimdi serikteriniń biri sanalatyn Nurtai Ábiqaev basshylyq laýazymynan - voleibol federatsiiasynyń prezidenti qyzmetinen ketti, - dep habarlaidy Dalanews.kz.
Federatsiianyń baspasóz qyzmetiniń aqparatyna súiensek, 27 qazanda Almatyda voleibol federatsiiasynyń esep berý, sailaý konferentsiiasy ótken.
"Daýys berý nátijesinde 2024-2028 jyldar aralyǵynda federatsiianyń jańa prezidenti bolyp Mádi Takiev sailandy", - dep jazylǵan habarlamada.
Pavel Miheev, volley.kz
Federatsiiany qurylǵan kezinen bastap basqarǵan, keibir ýaqytta ǵana úzilis alǵan Nurtai Ábiqaev keiingi 26 jyl boiy voleibol federatsiiasynyń basshysy boldy. Al bul laýazymǵa jańadan usynylǵan úsh kandidattyń arasynda qarjy ministri Mádi Takiev boldy.
Óz sózinde federatsiianyń jańa basshysy Mádi Takiev kórsetken senimi úshin barlyǵyna alǵys bildirip, Nurtai Ábiqaevqa federatsiianyń qurmetti prezidenti bolýdy jáne qamqorshylyq keńesin basqarýdy usyndy.
Aita keteiik, Ábiqaev 1996 jyldan bastap Nazarbaevtyń birinshi kómekshisi, 1998 jyldan bastap QR UQK tóraǵasy, 2000 jyldan bastap QR Syrtqy isteriniń birinshi vitse-ministri; QR Prezidenti Ákimshiliginiń basshysy, 2004 jyldan bastap QR Parlamenti Senatynyń 2-shi shaqyrylym depýtaty, QR Parlamenti Senatynyń tóraǵasy, 2005 jylǵy qarashadan bastap QR Parlamenti Senatynyń 3-shi shaqyrylym depýtaty, QR Parlamenti Senatynyń tóraǵasy, 2007 jylǵy aqpannan bastap QR-nyń Resei Federatsiiasyndaǵy Tótenshe jáne Ókiletti Elshisi, 2008 jylǵy qazannan bastap QR syrtqy ister ministriniń birinshi orynbasary, 2010 jylǵy tamyzdan bastap QR Ulttyq qaýipsizdik komitetiniń tóraǵasy boldy.
