Nazarbaevtyń "Meniń ómirim" týyndysy kóptiń talqysynda. Kitapta eks prezident pen Qonaevtyń qarym-qatynasynda qara mysyq júrip ótkeni jaily da aitylady, - dep habarlaidy Dalanews.kz.
Qonaev Nazarbaevty izbasaryndai kórip, janynan bir eli tastamaýy áldekimderdiń qyzǵanyshyn týdyrǵan kórinedi. Sońynan sham ala túskender osylaisha ortada áńgime tasyp, araǵa syzat túsirdi-mys.
– Qonaev qazaqtyń tarihyn qurmet tutty, qazaqtyń keń dalasyna qarap "Ulan-ǵaiyr dalany qarashy, endi tek táýelsizdik bolsa..." deýshi edi is saparǵa shyqqanda", – dep bastaǵan tuńǵysh prezident.
Sebebi Qonaev ortalyqtyń yqpalynan shyqpai, tusaý salǵan kúi keshken. Nazarbaevtyń aitýynsha, Qonaev qoldan kelgenshe aianbaǵan. Hrýshevtyń Mańǵyshlaqtyqtyń munaiyn túrikmenderge berýge, ońtústiktegi maqtaly aýmaqty ózbekterge ótkizýge qarsy shyǵýy soǵan dálel. Ashyq áreketi úshin qyzmetten shettetilgeni bar, ol tek Brejnev bilikke otyrǵanda ǵana oraldy. Brejnevke qalyptastyrǵan bedeli úshin de qaryzdar.
– Qonaevpen birinshi kezekte bailanystyrǵany – qarapaiym ortadan shyqqanymyz. Onyń ústine mamandyǵymyz egiz. Biraq, men de jastaiymnan partiiada satylap ósip, minsiz kareraǵa umtyldym. Máskeý de qyryn qaraǵan joq. KOKP ortalyq komitetiniń hatshylyǵyna esep berý kezinde Sýslovtyń kózine túsip, sózimdi sóileýi kandidatýramdy qoldaýda kómektesti. Degenmen ol kezde Qonaevtyń demeýinsiz obkomǵa barý arman bolatyn, – deidi Nazarbaev.
Kitapta jazýshy Sergei Plehanovtyń esteligi bar: "Qonaev pen Nazarbaev – eki dáýirdiń adamy. Ýaqyt óte Qonaev "ulyn" shettetkisi keldi. Bileýshige tynyshtyq kerek boldy. Biraq, Nazarbaev ustaz ustanymyn aiaq asty etpei, mámilege jaqyn boldy" delingen.
Bul oraida eks prezident jaǵdai osyǵan kelińkiregenmen, Plehanov artyq ketti degen pikirde. Sebebi, Qonaevpen teketires eks Elbasyǵa kerek bolmaǵan. Ókinishke qarai, báribir de Qonaev muny bilikke umtylys dep baǵalapty.
1986 jyly ótken Qazaqstan partiiasynyń kezekti sezindegi Nazarbaevtyń baiandamasy da aranyń ajyraýyna sebep. Munda eks prezident respýblikalyq ekonomikanyń kúireýine kinálilerdi aiyptap, tipti Qonaevtyń aǵasy, sol kezdegi Qazaq Ǵylym akademiiasynyń prezidenti Asqardyń orynsyz áreketin áshkerelegen. Alaida Qonaev biraýyzdan Qazaqstan Kompartiiasy Ortalyq Komitetiniń birinshi hatshysy bolyp qaita sailandy.
– Ashyq aiyptaýdan soń qudalaý boldy. Sol baiandama jariialanǵan gazetterdiń barlyq tirajy satylyp ketti. Atyma 53 anonimdi shaǵym túsip, aýyldaǵy úige deiin tekserý bastaldy. Munyń barlyǵy Qonaevty qaralady dep shyǵarǵysy kelgenderdiń isi, – deidi Nazarbaev.
Buǵan qosa Qonaev Nazarbaevty Ministrler Keńesiniń Tóraǵasynan alyp tastaý týraly usynysymen Gorbachevka barǵany keltirilgen. Biraq, Qonaevtyń tarapyna shaǵym kóp ekenin alǵa tartqanda ol birden qyzmetten ketýdi sheshken.
Sol kúni "Endi kim keledi?" degen bir suraq ǵana boldy. Gorbachev memýarlarynda Qonaev izbasarlarynyń atyn atamai,"bilikke reseilikten bireý kelsin" dep aitty dep kórsetken
– Ornyna meni usynbaityny túsinikti edi. Biraq, Qonaev bardy da, joqty da, biikke kóterilip, qulaýdy da bastan keshti. Bilikti, tájiribeli azamattyń jeke renishin jeńe almaýyn uqpadym sol ýaqytta. Máskeýden kelgende de bilikke orys keletinin aitty. Aitqany aidai keldi de. Al ol oqiǵa ulttyq rýhty kórsetip berdi, – deidi eks prezident.
