Eks-prezident Nursultan Nazarbaevtyń jieni Nuráli Áliev Ulybritaniialyq ánshi Ed Shirannyń kontsertinde tóbe kórsetip, kópshiliktiń nazaryna ilikti, - dep habarlaidy Dalanews.kz.
Saiahat barysyndaǵy áserlerin Áliev áleýmettik jelide jariialady. Belgili bolǵandai, álemdik juldyzdyń án keshi Ońtústik Aziiadaǵy Býtan koroldiginde ótken.
Nuráli Áliev kontsertten bólek, Býtan korolimen túsken sýretin de bólisip, Thimphý qalasynda túsirilgen fotolaryn jariialaǵan. Sýretterdiń birinde Amankora qonaqúii kórinis tapqan. Ashyq derekkózderge súiensek, bul qonaqúi taý baýraiyndaǵy eń bedeldi aýdanda, korol rezidentsiiasynyń janynda ornalasqan.
áleýmettik jeliden
Jelige júktelgen fotolarda Nuráliniń janynda nepaldyq kásipker Nirvana Chaýdharidiń júrgenin baiqaýǵa bolady.
áleýmettik jeliden
Osy sapar týraly oi bólisip jatqan sarapshylardyń pikirinshe, Nazarbaev áýletiniń ókili emin-erkin el aralap júr. Birqatar telegram arnalardyń paiymdaýynsha, Áliev elge oralýǵa asyqpaidy.
Buǵan deiin tanymal britan jýrnalisi Joanna Lillis “Qara kóleńke” deitin eńbeginde qandy Qańtarǵa deiin "Nuráli atasy men anasynyń qalqasynan (opekasynan) shyǵyp, áýlettiń saiasi dominatsiiasyn uzartý missiiasyn óz moinyna alýǵa tas-túiin daiyn otyrǵanyn" jazǵan bolatyn.
KNB-nyń eks-tóraǵasy Amangeldi Shabdarbaev ta osy málimetti rastap, "Dariǵa bilikti basyp alýdy kózdedi" degen pikir bildirgen.
Dalainside telegram arnasyna belgili bolǵandai, “shetel asqan aktivti qaitarý týraly” zań kúshine engeli Álievtyń PR qyzmeti men shetel lobbisteri Nuráliniń unamdy beinesin qalyptastyrýǵa shuǵyl kirisken.
Máselen byltyr: “Nazarbaevtyń nemeresi jabaiy tabiǵattyń janashyry. Qar barysynyń qamqorshysy, túz taǵysyn saqtap qalýǵa ólsheýsiz úles qosqan adam...” degen baǵytty kontent kúrt kóbeigen edi.
Bizdińshe, munyń astarynda saiasi jáne qarjylyq strategiia jatyr. Áltýristiń obrazyn somdaityn Nuráli osy arqyly sheteldegi aktivin zańdastyra alady ári salyqtyq jeńildikterge ie bolady.
Álievtiń qazirgi turǵylyqty mekeni Arab Ámirlikteri dep tuspaldaimyz. Astana ákiminiń orynbasary bolǵan tusta (2014-2016 j) Nuráli sheteldik investitsiiaǵa jaýap bergen. Sol jyldary Abý-Dabidyń sheihi Ál-Naqaianmen jii júzdesken Áliev óziniń Capital Holding kompaniiasy arqyly Emirattaǵy jyljymaityn múlikke investitsiiany úiip-tókti deýge negiz bar. Capital Holding bertinge deiin dańqty boksshy Gennadii Golovkinge demeýshi bolǵanyn bilemiz.
