Arna málimetinshe, Qasym-Jomart Toqaev Prezıdent bolǵan 2019 jyly onyń kitaby bir apta ishinde túrikshege aýdarylǵan. Endi oǵan arnalǵan kitap shyǵyp otyr.
"Nazarbaev dáýirinde jaǵympazdyq akademıasy qurylǵanda músheleriniń sanynan jańylar edik. 2011 jyly sol kezdegi Prezıdent Nursultan Nazarbaevtyń ókilettigin 2020 jylǵa deıin uzartý úshin referendým ótkizý máselesi kóterildi.
Bastamashy sol kezde Semeı memlekettik ýnıversıtetiniń rektory bolǵan - Erlan Sydyqov.
Bastamashy top 9 kúnde 2 mıllıon 600 myńdaı adamnyń qolyn jınaǵandaryn jarıalaǵan. Sóıtken Erlan Sydyqov sodan beri L.Gýmılev atyndaǵy Eýrazıa ulttyq ýnıversıtetiniń myzǵymas rektory. Jaqynda reseılik Sergeı Selıverstovpen birge JZL serıasynan “Kasym-Jomart Tokaev” degen kitap shyǵarypty..." - dep jazylǵan Ulys telegram arnasy málimetinde.
