"Bir ǵana sóılemmen aıta alamyn: quptamaımyn, bul maǵan kerek emes. Osy jaıly burynnan ashyq aıtyp kelemin. Barlyq basshynyń keńesshisi bolǵan Mark Avrelıı "Tiri kezinde eskertkish salý - bolashaq urpaqtyń seni eske alatynyna senbeý" degen. Barlyǵyn isi boıynsha baǵalaý kerek. Eshqandaı eskertkish kerek emes. Kezinde daýys berip, shýlap, qoldap, Lenın men Stalınge eskertkish qoıǵyzǵandar solardy qaıtadan qıratty", - dedi Memleket basshysy.
"Men tek Nazarbaev ýnıversıtetke esimimdi berýge kelisim berdim, sebebi erekshe oqý orny ashyldy. Bul barlyq ýnıversıtetke úlgi bolady. Halyqtyń, úkimettiń nazaryn aýdarý úshin, osy ýnıversıtettiń Qazaqstannyń ǵylym ortalyǵy bolýy úshin. Solaı bolyp kele jatyr da. Qalǵanynyń eshqaısysyna kelisimimdi bergen joqpyn. Sondyqtan, osy sátti paıdalana otyryp, taǵy da aıtamyn: Bul maǵan qajet emes, maǵan bul unamaıdy"
- dedi Prezıdent.
Osyǵan deıin Nazarbaevtyń merziminen buryn saılaý ótkizý týraly suraqqa jaýap bergeni habarlanǵan edi. Keıin jýrnalıser saıası básekelestiktiń joqtyǵy jaıly suraq qoıǵan bolatyn.
Eske salaıyq, Kezdesýge qatysýshylar "Qazaqstannyń úshinshi jańǵyrýy: jahandyq básekege qabilettilik" atty joldaýdy iske asyrý aıasynda el ekonomıkasyn transformasıalaý úderisiniń birqatar aspektilerin, sybaılas jemqorlyqqa qarsy kúres máselelerin, qazirgi saıası jańǵyrý kezeńiniń erekshelikterin, BUU Qaýipsizdik keńesiniń turaqty emes múshesi retindegi Qazaqstannyń syrtqy saıası basymdyqtaryn, sondaı-aq basqa da mańyzdy jaıttardy talqylady. Kezdesýge "Qazaqstan", "Habar", "MIR" telearnalarynyń, "Aıqyn" gazetiniń, "Esquire" jýrnalynyń, "Qazaqparat" aqparat agenttiginiń jýrnalıseri qatysty.
Derekkóz: kaz.tengrinews.kz
