Eks-prezıdent Nursultan Nazarbaevpen uzaq ýaqyt ıyq tirestire qyzmettes bolǵan burynǵy saıası tulǵa Marat Tájın kútpegen jerden aqparat keńistigine qaıta shyqty,- dep habarlaıdy Dalanews.kz Ulysmedia.kz-ke siltep.
Burynǵy saıasatker qazir áleýmettaný mamandyǵyn oqyp jatyr eken. Buqaralyq aqparat quraldary 23 qazan kúni Almatyda Qazaqstan jáne túrkitildes elderi áleýmettanýshylarynyń VIII sezi ótkenin jazyp jatyr.
Bul shara Túrkitildes elderi áleýmettanýshylar odaǵynyń prezıdenti Marat Tájınniń jetekshiligimen ótkeni belgili boldy.
Belgili bolǵandaı, bıylǵy sharaǵa qatysýshylar tulǵany anyqtaý máselelerin talqylaǵan.
«Búginde sáıkestilik uǵymy áleýmettik jáne gýmanıtarlyq ǵylymdardaǵy tanymal kategorıalardyń birine aınaldy. Sáıkestikti áleýmettanýshylar, psıhologtar, fılosoftar, mádenıettanýshylar, tarıhshylar, lıngvıser, ekonomıser jáne tipti marketologtar zertteıdi. Bul uǵym bir mezgilde jeke, áleýmettik, mádenı jáne saıası qubylys sanalady», – dep jazdy Vecher.kz.
Marat Tájın – qazaqstandyq memleket qaıratkeri, dıplomat jáne saıasattanýshy, Qazaqstannyń ishki jáne syrtqy saıasaty salasyndaǵy negizgi keńesshilerdiń biri retinde tanymal.
Tájın Nursultan Nazarbaevtyń tusynda Syrtqy ister mınıstri, Prezıdenttiń kómekshisi, Prezıdent ákimshiligi basshysynyń orynbasary, Qazaqstan Qaýipsizdik Keńesiniń hatshysy syndy ártúrli basshylyq qyzmetterdi atqarǵan.
Ol 2019 jyly Qazaqstan Respýblıkasynyń Cheh Respýblıkasyndaǵy Tótenshe jáne Ókiletti Elshisi bolyp taǵaıyndaldy. 2023 jyly ol bul qyzmetten bosatylǵan.
