ەكس-پرەزيدەنت نۇرسۇلتان نازاربايەۆپەن ۇزاق ۋاقىت يىق تىرەستىرە قىزمەتتەس بولعان بۇرىنعى ساياسي تۇلعا مارات ءتاجين كۇتپەگەن جەردەن اقپارات كەڭىستىگىنە قايتا شىقتى،- دەپ حابارلايدى Dalanews.kz Ulysmedia.kz-كە سىلتەپ.
بۇرىنعى ساياساتكەر ءقازىر الەۋمەتتانۋ ماماندىعىن وقىپ جاتىر ەكەن. بۇقارالىق اقپارات قۇرالدارى 23 قازان كۇنى الماتىدا قازاقستان جانە تۇركىتىلدەس ەلدەرى الەۋمەتتانۋشىلارىنىڭ VIII سەزى وتكەنىن جازىپ جاتىر.
بۇل شارا تۇركىتىلدەس ەلدەرى الەۋمەتتانۋشىلار وداعىنىڭ پرەزيدەنتى مارات ءتاجيننىڭ جەتەكشىلىگىمەن وتكەنى بەلگىلى بولدى.
بەلگىلى بولعانداي، بيىلعى شاراعا قاتىسۋشىلار تۇلعانى انىقتاۋ ماسەلەلەرىن تالقىلاعان.
«بۇگىندە سايكەستىلىك ۇعىمى الەۋمەتتىك جانە گۋمانيتارلىق عىلىمدارداعى تانىمال كاتەگوريالاردىڭ بىرىنە اينالدى. سايكەستىكتى الەۋمەتتانۋشىلار، پسيحولوگتار، فيلوسوفتار، مادەنيەتتانۋشىلار، تاريحشىلار، لينگۆيستەر، ەكونوميستەر جانە ءتىپتى ماركەتولوگتار زەرتتەيدى. بۇل ۇعىم ءبىر مەزگىلدە جەكە، الەۋمەتتىك، مادەني جانە ساياسي قۇبىلىس سانالادى»، – دەپ جازدى Vecher.kz.
مارات ءتاجين – قازاقستاندىق مەملەكەت قايراتكەرى، ديپلومات جانە ساياساتتانۋشى، قازاقستاننىڭ ىشكى جانە سىرتقى ساياساتى سالاسىنداعى نەگىزگى كەڭەسشىلەردىڭ ءبىرى رەتىندە تانىمال.
ءتاجين نۇرسۇلتان نازاربايەۆتىڭ تۇسىندا سىرتقى ىستەر ءمينيسترى، پرەزيدەنتتىڭ كومەكشىسى، پرەزيدەنت اكىمشىلىگى باسشىسىنىڭ ورىنباسارى، قازاقستان قاۋىپسىزدىك كەڭەسىنىڭ حاتشىسى سىندى ءارتۇرلى باسشىلىق قىزمەتتەردى اتقارعان.
ول 2019 جىلى قازاقستان رەسپۋبليكاسىنىڭ چەح رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى. 2023 جىلى ول بۇل قىزمەتتەن بوساتىلعان.
