Darıǵa Nursultanqyzy til máselesine kelgende asyra silteýden saq bolýǵa shaqyryp otyr.
Tilshiler saýalyna jaýap bergen Nazarbaeva Ulttyq bank basshysy Danıar Aqyshevqa nelikten oryssha saýal qoıǵanyn bylaı dep túsindiripti:
"Jo-joq eshkim orys tiline tyıym salǵan joq. Men mysalǵa baıandamany ózime yńǵaıly tilde jasap shyqtym. Solaı.
Iá, prezıdenttiń aıtqanyn oryndaýǵa tyrysamyz endi.
Biraq eshkim orys tiline tyıym salǵan joq, qudaıǵa shúkir. Mundaı bolmaıdy da...
Ózge de ulttar bar ǵoı osy jerde, qurmetpen qaraıyq. Artyq ketpeıik, asyra siltemeıik.
Dostyq, tatýlyq saqtalsyn. Elimizdiń Ata zańymen bekitilgen tilder qoǵamda da, memlekettik mekemelerde de qoldanylatyn bolady", – dedi Darıǵa Nazarbaeva.
Darıǵa Nursultanqyzynyń ákesi, Memleket basshysy Nursultan Nazarbaev osynyń aldynda ǵana úkimet pen parlamenttiń jumysy qazaq tilinde júrgizilýi kerektigin aıtqan edi.
