Biýro otyrysynda sóz alǵan Dariǵa Nazarbaeva Palata otyrysynyń kún tártibine engizilgen zań jobalary bizdiń memleket pen qoǵam úshin asa mańyzdy ekenin atap ótti. Sońǵy jyldary azamattarymyz kóterip júrgen kóptegen máseleler osy jańa zańnamalyq aktilerde kórinis tapty.
"Biz sonymen birge beibit jinalystardy uiymdastyrý jáne ótkizý tártibi týraly zań jobasyn da qaraimyz.
Bul zań jobasy elimizde jinalystar men mitingiler uiymdastyrý, ótkizýdiń qazirgi praktikasyn túbegeili túrde ózgertedi.
Joba azamattardyń quqyqtaryn, mitingiler ótkizý kezindegi jaýaptylyqty ońtaily ushtastyrýǵa baǵyttalǵan jáne tutastai alǵanda halyqaralyq standarttarǵa sáikes keledi", - dedi D.Nazarbaeva.
Senat Tóraǵasy D.Nazarbaeva Biýro otyrysyn qorytyndylai kelip, elimizde koronavirýs juqtyrǵandar sany artyp, údemeli kezeńge jetýine bailanysty tótenshe jaǵdai tártibiniń 1 mamyrǵa deiin uzartylýy qajetti shara bolǵanyn atap ótti.
"Búginnen bastap Nur-Sultan jáne Almaty qalalaryndaǵy keibir kásipkerlik sýbektileri sanitarlyq-epidemiologiialyq sharalardy saqtai otyryp, jumystaryn bastaityn bolady. Osyǵan bailanysty kásiporyndar qyzmetkerlerin jumysqa shyǵarýǵa daiyn ba? - degen suraq mańyzdy bolyp otyr. Olar óz ujymdaryna qaýipsizdik pen gigiena saqtaýǵa qajetti barlyq jaǵdaidy jasai ala ma?" - dedi D.Nazarbaeva.
D.Nazarbaeva ákimdikter bergen aqparattarǵa sáikes, ortalyq pen jergilikti jerlerdegi jumysty úilestirý nashar ekenin, kelisý men máseleni sheshýge kóp ýaqyt ketetinin atap ótti.
Sonymen qatar, Senat basshysy buqaralyq aqparat quraldarynda jariialanǵan jýrnalister, dárigerler, politsiia men áskeri qyzmetkerlerdiń, eriktilerdiń qatysýymen oryn alǵan keleńsiz kórinisterge de toqtaldy.
"Búgingi tańda dárigerler de, jýrnalister de alǵy shepte qyzý eńbek etip jatqanyn eske salǵym keledi. Olar yqtimal qaýip-qatermen kúnde betpe-bet kelse de ózderiniń kásibi boryshyn adal atqaryp júr. Sondyqtan olarǵa quqyqtyq qorǵaý men adami qoldaý asa qajet", - dedi ol.
Dariǵa Nazarbaeva qazir kinálini izdemei, túsinbeýshilikterdi órshitpei, ózekti máselelerdi birigip sheship, yntymaqpen jumys isteitin, bir-birine kómektesetin ýaqyt ekenin atap ótti.
Bul rette quqyq qorǵaý organdarynyń qyzmetkerlerine baǵynbaý, ásirese politsiiaǵa shabýyl jasaý nemese qarsylyq kórsetýdiń jolyn kesý kerek. Quqyq qorǵaý organdarynyń qyzmetkerleri óz ókilettilikteriniń aiasynda ǵana áreket etýi, sypaiy, ádepti bolýy tiis.
"Qazir bárine de qiyn, biraq bir-birimizge járdemdesip qana osy jaǵdaidan tezirek shyǵa alamyz", - dep atap ótti D.Nazarbaeva.
