Nazarbaev ýniversitetiniń eks rektory Shigeo Katsý basshylyqtan saiasi qysymnyń kesirinen ketkenin aitty, - dep habarlaidy Dalanews.kz.
Bul týraly ol University World News basylymyna bergen suhbatynda aitty. Shigeo Katsýdyń sózinshe, ózgerister 2022 jyly bolǵan qańtar oqiǵasynan keiin bastalǵan.
Sonymen qatar, eks rektordyń aitýynsha, ýniversitettiń akademiialyq erkindigi men institýtsionaldyq avtonomiiasyna qaýip tónip tur. Ol byltyr kúzde saiasi qysymnyń kesirinen jumystan ketken kórinedi. Shigeo Katsý áli de ýniversitettiń qamqorshylyq keńesiniń múshesi ekenin atap ótti.
Katsýdyń sózinshe, 2022 jyly úkimet aýysqannan keiin eks prezident Nazarbaev qurǵan Nazarbaev Ýniversiteti men basqa da uiymdarǵa qaýip tóngen.
"Ol "arnaiy aqsha alǵan blogerler" ýniversitet pen Katsýdy synai bastaǵanyn aitady. Katsý oǵan shabýyl jasaldy dep sanaidy, sebebi olarǵa Katsýdyń minsiz bedeli kedergi jasaǵan", - delingen materialda.
Shigeo Katsýdyń sózinshe, qazirdiń ózinde ýniversitettiń basqarý keńesin qaita qurylymdaýda saiasi yqpal baiqala bastaǵan. Sebebi ýniversitette eki deńgeili basqarý júiesi – qamqorshylyq keńes jáne onyń ústindegi Joǵarǵy Keńes bar. Joǵary keńesti buryn sol kezdegi prezident Nazarbaev basqarǵan jáne ol "jalpy strategiialardy bekitken".
"Men oǵan (Nazarbaevqa) jylyna eki-úsh ret kelip, ne istep jatqanymyz týraly esep berip, durys jolda kele jatyrmyz ba, joq pa degen jalpy túsinik alý úshin keletin edim, biraq ol eshqashan eshteńege mán berip, aralasqan emes", - deidi Katsý.
Aita keteiik, oqý ornyn 13 jyl basqarǵan Shigeo Katsýdyń basshylyq qyzmetten ketkeni týraly byltyr belgili bolǵan edi.
