Jańa Biýdjet kodeksin ázirleýshiler atalǵan uiymdardy memlekettik mektepter men ýniversitettermen teń deńgeide qarjylandyrýdy usynǵan. Al NZM men NÝ ókilderi bólek qarjylandyrýdyń arqasynda joǵary sapaly bilim men tiimdilikti qamtamasyz etetinin aityp aqtalǵan.
Eger jańa Biýdjet kodeksine engizilgen túzetýler qabyldansa 2025 jyldan bastap NZM men Nazarbaev Ýniversitetine arnaiy artyqshylyqtar berilmeidi.
2022 jyly Nazarbaev Qorynyń eks-prezidenti, burynǵy Bilim ministri Aslan Sárinjipov Nazarbaev Qorynyń kapitalynyń, aktivteri men kiristeriniń birden-bir benefitsiarlary NÝ jáne NZM ekenin aitqan bolatyn. Onyń aitýynsha, qordan basqa eshkim, sonyń ishinde Nursultan Nazarbaev kiris ala almaidy, bul onyń jarǵysynda kórsetilgen.
«Nazarbaev Qoryn» qurýdyń maqsaty memlekettik qarjylandyrý qysqarǵan jaǵdaida NÝ jáne NZM qyzmetin qarjylandyrýdy qamtamasyz etý boldy.
– Quryltaishysy QR Tuńǵysh Prezidenti bolyp tabylady jáne jeke zańdy jáne jeke tulǵalardyń qaiyrmaldyqtary arqyly qordyń kapitaly shamamen 1 milliard dollardy qurady. Alaida, Jarǵyǵa sáikes, quryltaishy birinshi prezident tulǵasyndaǵy qor tek qamqorshylyq keńes múshelerin taǵaiyndaý quqyǵymen shekteledi jáne benefitsiar bola almaidy. Olar tek NÝ jáne NZM bolýy múmkin, – degen bolatyn Aslan Sárinjipov.
