– Buǵan deiin «Qurmetti senator» ataǵy bir-aq adamǵa berilgen. Endi zańdarda «Qurmetti senator» degen ataq joq. Ony birden aitaiyn. Senat reglamentine ózgeris engizildi. Osy reglamentte qarap, ony alyp tastadyq. Buǵan deiin ol bir-aq adamǵa (Nursultan Nazarbaevqa – avtor) berildi. Endi mundai ataq eshkimge berilmeidi. Óitkeni qazir bizde ondai quqyqtyq negiz joq, ony alyp tastadyq, – dedi Áshimbaev Senattyń jalpy otyrysynan soń.
Máýlen Áshimbaevtyń aitýynsha, osydan úsh apta buryn Senat reglamentine tiisti ózgeris engizilgen.
– Osyǵan bailanysty biz «Qurmetti senator» ataǵyn reglamentten alyp tastadyq. Endi bizde ondai institýt joq. 2022 jyly ótken referendýmda búkil halyq qoldap, Konstitýtsiiadan Elbasyna qatysty normalar alynyp tastaldy. Erteń Tuńǵysh Prezident – Elbasy týraly zań kúshin (Parlament palatalarynyń birlesken otyrysynda) joiady, – dedi Senat tóraǵasy.
Eske salaiyq, 2019 jyldyń 30 mamyrynda ótken Senat otyrysynda QR tuńǵysh prezidenti Nursultan Nazarbaevqa «Qurmetti senator» mártebesin berý máselesi talqyǵa salyndy. Depýtattar usynysty biraýyzdan qoldap daýys berip, Parlament eks-prezidentke mártebe berýdi qaýly etti.
