– بۇعان دەيٸن «قۇرمەتتٸ سەناتور» اتاعى بٸر-اق ادامعا بەرٸلگەن. ەندٸ زاڭداردا «قۇرمەتتٸ سەناتور» دەگەن اتاق جوق. ونى بٸردەن ايتايىن. سەنات رەگلامەنتٸنە ٶزگەرٸس ەنگٸزٸلدٸ. وسى رەگلامەنتتە قاراپ, ونى الىپ تاستادىق. بۇعان دەيٸن ول بٸر-اق ادامعا (نۇرسۇلتان نازارباەۆقا – اۆتور) بەرٸلدٸ. ەندٸ مۇنداي اتاق ەشكٸمگە بەرٸلمەيدٸ. ٶيتكەنٸ قازٸر بٸزدە ونداي قۇقىقتىق نەگٸز جوق, ونى الىپ تاستادىق, – دەدٸ ەشٸمباەۆ سەناتتىڭ جالپى وتىرىسىنان سوڭ.
مەۋلەن ەشٸمباەۆتىڭ ايتۋىنشا, وسىدان ٷش اپتا بۇرىن سەنات رەگلامەنتٸنە تيٸستٸ ٶزگەرٸس ەنگٸزٸلگەن.
– وسىعان بايلانىستى بٸز «قۇرمەتتٸ سەناتور» اتاعىن رەگلامەنتتەن الىپ تاستادىق. ەندٸ بٸزدە ونداي ينستيتۋت جوق. 2022 جىلى ٶتكەن رەفەرەندۋمدا بٷكٸل حالىق قولداپ, كونستيتۋتسييادان ەلباسىنا قاتىستى نورمالار الىنىپ تاستالدى. ەرتەڭ تۇڭعىش پرەزيدەنت – ەلباسى تۋرالى زاڭ كٷشٸن (پارلامەنت پالاتالارىنىڭ بٸرلەسكەن وتىرىسىندا) جويادى, – دەدٸ سەنات تٶراعاسى.
ەسكە سالايىق, 2019 جىلدىڭ 30 مامىرىندا ٶتكەن سەنات وتىرىسىندا قر تۇڭعىش پرەزيدەنتٸ نۇرسۇلتان نازارباەۆقا «قۇرمەتتٸ سەناتور» مەرتەبەسٸن بەرۋ مەسەلەسٸ تالقىعا سالىندى. دەپۋتاتتار ۇسىنىستى بٸراۋىزدان قولداپ داۋىس بەرٸپ, پارلامەنت ەكس-پرەزيدەنتكە مەرتەبە بەرۋدٸ قاۋلى ەتتٸ.
