Belgili PR-maman Qýat Dombai eks-prezident Nursultan Nazarbaevtyń Almaty áýejaiyna qatysty jasaǵan bylyǵy týraly aitty, - dep habarlaidy Dalanews.kz.
Qýat Dombaidyń sózinshe, kezinde sheteldik kompaniiadan Almaty áýejaiyn keńeitý týraly jaqsy usynys túsken.
«Qazaqstannyń jańa tarihynda Nazarbaev Almatyda nege metro salǵysy kelmegeni jáne beketterdiń qurylysyn nege 20 jylǵa sozylǵany, qalanyń shekarasyn nege sozǵysy kelmegeni, Shańyraqtyń 70 myńǵa jýyq turǵynyn áleýmettik qamtamasyz etýden aiyryp, Respýblika alańyndaǵy tarihi tribýnalardy buzǵany (olardyń ornyna saýda ortalyǵyn salyp) jazyla jatar... Almaty áýejaiy týraly qysqasha áńgime aityp bereiin.
2014 jyly (2016 jyl bolýy múmkin, naqty esimde joq) prezident Nazarbaevqa eki álemdik iri kompaniia – Gonkong jáne Kýala-Lýmpýr áýejaiynyń ieleri kelip, Almatyda jańa áýejai salýdy usynǵan bolatyn. Ol úshin 1 milliard dollar (!) investitsiia quiylmaq bolǵan. Sheteldik kompaniia áýejai qurylysyn tolyq óz moinyna almaq bolǵan (biýdjetten bir tiyn da almai). Aiyrbasqa 10 nemese 20 jyl áýejai operatory bolýdy usynǵan. Esesine elimizde 30 myń adamdy jumyspen qamti alatyn, Frankfýrt deńgeiindegi jańa áýejai bolar edi», - deidi Qýat Dombai.
Biraq bir niýans bolǵan.
«Timýr Qulybaevtyń ieligindegi eski áýejaidy ne isteý kerek degen suraq týyndaǵan. Ol (Timýr Qulybaev) selk ete túskendei» kúige túsip, eski áýejaida jańa terminal qurylysyn bastaitynyn aityp, investorlardyń kózin qurtady. Al keiinnen Almaty áýejaiyn keńeitý boiynsha basqa usynystardy múlde qarastyrmaǵan.
Nazarbaev bilikten ketkennen keiin, Qańtardan keiin bir nárse bolatynyn sezgen ol (Qulybaev) eski áýejaidy túrikterge berip jibergen.
Endi eski áýejaida túrikter jańa terminal salyp jatyr, al ol Gonkong jáne malaiziialyqtar usynǵan jobanyń shańyna da ilese almaidy. Osyndai oqiǵa bolǵan, prezidentke berilgen hattyń kóshirmesin óz kózimmen kórgenmin», - deidi Qýat Dombai.
