بەلگىلى PR-مامان قۋات دومباي ەكس-پرەزيدەنت نۇرسۇلتان نازاربايەۆتىڭ الماتى اۋەجايىنا قاتىستى جاساعان بىلىعى تۋرالى ايتتى، - دەپ حابارلايدى Dalanews.kz. 

قۋات دومبايدىڭ سوزىنشە، كەزىندە شەتەلدىك كومپانيادان الماتى اۋەجايىن كەڭەيتۋ تۋرالى جاقسى ۇسىنىس تۇسكەن.

«قازاقستاننىڭ جاڭا تاريحىندا نازاربايەۆ الماتىدا نەگە مەترو سالعىسى كەلمەگەنى جانە بەكەتتەردىڭ قۇرىلىسىن نەگە 20 جىلعا سوزىلعانى، قالانىڭ شەكاراسىن نەگە سوزعىسى كەلمەگەنى، شاڭىراقتىڭ 70 مىڭعا جۋىق تۇرعىنىن الەۋمەتتىك قامتاماسىز ەتۋدەن ايىرىپ، رەسپۋبليكا الاڭىنداعى تاريحي تريبۋنالاردى بۇزعانى (ولاردىڭ ورنىنا ساۋدا ورتالىعىن سالىپ) جازىلا جاتار... الماتى اۋەجايى تۋرالى قىسقاشا اڭگىمە ايتىپ بەرەيىن.

2014 جىلى (2016 جىل بولۋى مۇمكىن، ناقتى ەسىمدە جوق) پرەزيدەنت نازاربايەۆقا ەكى الەمدىك ءىرى كومپانيا – گونكونگ جانە كۋالا-لۋمپۋر اۋەجايىنىڭ يەلەرى كەلىپ، الماتىدا جاڭا اۋەجاي سالۋدى ۇسىنعان بولاتىن. ول ءۇشىن 1 ميلليارد دوللار (!) ينۆەستيسيا قۇيىلماق بولعان. شەتەلدىك كومپانيا اۋەجاي قۇرىلىسىن تولىق ءوز موينىنا الماق بولعان (بيۋدجەتتەن ءبىر تيىن دا الماي). ايىرباسقا 10 نەمەسە 20 جىل اۋەجاي وپەراتورى بولۋدى ۇسىنعان. ەسەسىنە ەلىمىزدە 30 مىڭ ادامدى جۇمىسپەن قامتي الاتىن، فرانكفۋرت دەڭگەيىندەگى جاڭا اۋەجاي بولار ەدى»، - دەيدى قۋات دومباي.

ءبىراق ءبىر نيۋانس بولعان.

«تيمۋر قۇلىبايەۆتىڭ يەلىگىندەگى ەسكى اۋەجايدى نە ىستەۋ كەرەك دەگەن سۇراق تۋىنداعان. ول (تيمۋر قۇلىبايەۆ) سەلك ەتە تۇسكەندەي» كۇيگە ءتۇسىپ، ەسكى اۋەجايدا جاڭا تەرمينال قۇرىلىسىن باستايتىنىن ايتىپ، ينۆەستورلاردىڭ كوزىن قۇرتادى. ال كەيىننەن الماتى اۋەجايىن كەڭەيتۋ بويىنشا باسقا ۇسىنىستاردى مۇلدە قاراستىرماعان.

نازاربايەۆ بيلىكتەن كەتكەننەن كەيىن، قاڭتاردان كەيىن ءبىر نارسە بولاتىنىن سەزگەن ول (قۇلىبايەۆ) ەسكى اۋەجايدى تۇرىكتەرگە بەرىپ جىبەرگەن.

ەندى ەسكى اۋەجايدا تۇرىكتەر جاڭا تەرمينال سالىپ جاتىر، ال ول گونكونگ جانە مالايزيالىقتار ۇسىنعان جوبانىڭ شاڭىنا دا ىلەسە المايدى. وسىنداي وقيعا بولعان، پرەزيدەنتكە بەرىلگەن حاتتىڭ كوشىرمەسىن ءوز كوزىممەن كورگەنمىن»، - دەيدى قۋات دومباي.