Kezdesýdiń moderatory, CNN júrgizýshisi Farıd Zakarıa AQSH-taǵy aldaǵy saılaýdy aıta otyryp, Qazaqstan Prezıdentine suraq qoıdy.
«Amerıka AQSH-ty áıel prezıdent basqaratyn jaǵdaıǵa daıyn ba? Men sizdiń premer-mınıstrdiń orynbasary qyzmetine áıel adamdy qoıǵanyńyzǵa nazar aýdaryp otyrmyn. Qazaqstandy áıel prezıdent basqarýy múmkin dep oılaısyz ba?», – dep surady kezdesý moderatory Nursultan Nazarbaevtan.
«Qazaqstanda áıel adam prezıdent bola almaıdy dep kim aıtty? Ábden múmkin. Qazaqstanda halyqtyń 51 paıyzy - áıelder. Genderlik saıasat qalypty damyp jatyr. Parlamenttegilerdiń 30 paıyzy - áıelder. Úkimet quramynda birneshe áıel bar. Sondyqtan ábden múmkin, soǵan daıyndalǵan áıelder de bar. Úsh qyzym bar, sondyqtan men áıelderge erekshe kózqarastaǵy adammyn», – dep málimdedi Nursultan Nazarbaev.
