كەزدەسۋدىڭ مودەراتورى، CNN جۇرگىزۋشىسى فاريد زاكاريا اقش-تاعى الداعى سايلاۋدى ايتا وتىرىپ، قازاقستان پرەزيدەنتىنە سۇراق قويدى.
«امەريكا اقش-تى ايەل پرەزيدەنت باسقاراتىن جاعدايعا دايىن با؟ مەن ءسىزدىڭ پرەمەر-مينيستردىڭ ورىنباسارى قىزمەتىنە ايەل ادامدى قويعانىڭىزعا نازار اۋدارىپ وتىرمىن. قازاقستاندى ايەل پرەزيدەنت باسقارۋى مۇمكىن دەپ ويلايسىز با؟»، – دەپ سۇرادى كەزدەسۋ مودەراتورى نۇرسۇلتان نازاربايەۆتان.
«قازاقستاندا ايەل ادام پرەزيدەنت بولا المايدى دەپ كىم ايتتى؟ ابدەن مۇمكىن. قازاقستاندا حالىقتىڭ 51 پايىزى - ايەلدەر. گەندەرلىك ساياسات قالىپتى دامىپ جاتىر. پارلامەنتتەگىلەردىڭ 30 پايىزى - ايەلدەر. ۇكىمەت قۇرامىندا بىرنەشە ايەل بار. سوندىقتان ابدەن مۇمكىن، سوعان دايىندالعان ايەلدەر دە بار. ءۇش قىزىم بار، سوندىقتان مەن ايەلدەرگە ەرەكشە كوزقاراستاعى اداممىن»، – دەپ مالىمدەدى نۇرسۇلتان نازاربايەۆ.
