"Nur Otan" qoǵamdy bir judyryqqa jumyldyrý jumysyn jalǵastyrǵany jón. Eldegi turmystyń túzelip, jaǵdaidyń jaqsarǵanyn árbir qazaqstandyq sezinýi tiis. Bilik Ata zańǵa sáikes aýysty. Eki apta buryn Qasym-Jomart Toqaev kezekten tys sailaý ótetini týraly qaýlyǵa qol qoidy.
Toqaev memlekettik deńgeidegi árbir máselege asa muqiiat qaraityn azamat. El basqarýda bul qabileti asa mańyzdy.
Men Qasym-Jomart Toqaevqa tolyq senemin. Ony Qazaqstandy basqarýǵa tolyq laiyqty dep sanaimyn.
Ol menimen birge eldiń syrtqy saiasatyn túzýde kóp eńbek sińirdi. Uzaq jyl Syrtqy ister ministrligin basqardy.
Ol meniń Ulttyq qordy qurý týraly ideiamdy alǵashqylardyń biri bolyp qoldady. Toqaev, Senat tóraǵasy retinde zańnamalyq jumysty jetildirýge úlken úles qosty.
Ol menen bir múshelge kishi. Osy kúnge deiin meniń senimdi serigim boldy jáne men qolǵa alǵan árbir bastamaǵa qoldaý tanytty. Men oǵan senemin.
Álemge demokratiialyq joldy tańdaǵanymyzdy taǵy bir márte dáleldedik. Bizdiń sheshimizdi álemniń ozyq elderi qoldap, quptap otyr. Osy jolǵy sailaýda belsendilik tanytaiyq.
Elimiz úshin birlik pen turaqtylyqtan asqan qundylyq joq. Jańa basshylyqqa qoǵam tarapynan tolyq qoldaý kórsetiledi. Partiia tóraǵasy retinde prezident sailaýyna Qasym-Jomart Toqaevtyń kandidatýrasyn usynamyn. Bizdiń úmitkerdi qoldap daýys berýlerińizdi suraimyn" , - dedi Nazarbaev.
