Nazarbaev ózgermeiinshe, eshteńe de ózgermeidi - saiasatker Qosanov
Bul týraly ol jelidegi paraqshasynda jazdy. Onyń pikirinshe eldegi ózgeris bir-aq adamǵa tirelip tur.
"Baiaǵy jartas - sol jartas: parlamenttegi sol úsh partiia, sol úkimet, sol ministrler. Bári qaz-qalpynda. Murttaryn balta shappady.
Sonda prezident aityp jatqan saiasi reforma qaida? Shynaiy jańarýdyń naqty nyshandary osyndai kezde tiisti kadrlyq ózgerister túrinde bilinýi kerek emes pe?
El ekonomikasyn, áleýmettik salany osyndai múshkil jaǵdaiǵa jetkizgen dál osy úkimet, osy ministrler emes pe? Keshe ǵana prezidenttiń ózi "biz aldyńǵy qatarly elderden artta qalyp jatyrmyz" degen syńaida pikir aityp, osyny moiyndaǵan joq pa edi? Sol teris nátijege jetkizgen naq osy ministrler emes pe?!
Endi "eski-jańa" ministrler óz-ózinen reformalanyp, jumysyn jaqsartady dep kim aitty?", – deidi ol.
Onyń atap ótkenindei kez kelgen reformanyń eń basty sharty - osy kúnge deiin atqarylǵan iske syn kózimen qarap, jiberilgen kemshilikterden tiisti qorytyndy shyǵarý. Alaida qazirgi bilik basynda otyrǵan at tóbelindei top óz jumysyna sondai obektivti baǵa beretin jaǵdaidy emes.
"Sonda parlament sailaýy ne úshin ótkizildi?
Ne úshin sonshama qarjy bólindi?
Bálkim, sailaý ótkizbei-aq, bárin qaitadan taǵaiyndai salý kerek pe edi?
Al únemdelgen qarjyny COVID-pen kúresip jatqan dárigerlerge berý kerek edi!
P.S.Osynyń bárinen shyǵatyn bir ǵana saiasi qorytyndy bar: tuńǵysh prezident ózgermei, parlament te, úkimet te, jalpy memlekettik saiasat ta ózgermeidi! Al ekinshi prezident, keshirińizder, "krainii" bop qalady!", – deidi saiastaker.
