Jalpy, Taldyqorǵan qoǵamdyq keńesinde sáýlet jáne qala qurylysy bóliminiń esebi, Taldyqorǵan qalasy jolaýshylar kóligi jáne avtomobıl joldary bóliminiń esebi tyńdaldy.
Odan bólek, «Taldyqorǵan qalasynyń Ońtústik-SHyǵys turǵyn aýdany, Agropromyshlennık turǵyn úı alaby, Ońtústik-Batys turǵyn alabynyń qurylys salynbaǵan shyǵys jaǵy, «Sarybulaq» turǵyn alabynyń egjeı-tegjeıli josparlaý jobasyn ázirleý» jobalary, «Taldyqorǵan qalasy boıynsha sheteldikter úshin 2023 jylǵa arnalǵan týrısik jarna mólsherlemelerin bekitý týraly» jobasy qaraldy.
Taldyqorǵan qalasynyń 2022-2024 jyldarǵa arnalǵan búdjetin naqtylaý jobasy, Taldyqorǵan qalasynyń búdjettik baǵdarlama ákimshilerinen túsken jańa ınısıatıvalar men 2023 jylǵy aýysatyn nysandar boıynsha ótinim tizbesin aldyn ala qarastyrý máseleler talqylandy.
Buǵan deıin Jetisý oblysynyń ákimi Beıbit Isaev halyq qoldasa, Taldyqorǵandaǵy Nazarbaev kóshesiniń ataýyn ózgertýge daıyn ekenin jáne burynǵy prezıdentke arnalǵan eskertkishti jóndemeıtinin málimdegen edi.
Ákimniń aıtýynsha, onyń ornyna Abaı Qunanbaıulyna eskertkish ornatylady. Qazir Almatyda jasalyp jatqan ol eskertkish bir-eki aıdan keıin daıyn bolady eken. Bıiktigi – 9 metr, al quny 300 mıllıon teńgege deıin jetýi múmkin.
Derekkóz: halyq-uni.kz
