Sanaly ǵumyryn ult múddesine arnaǵan Muhtar Shahanovqa biliktiń qurmet kórsetýi elimiz úshin mańyzdy. Osy rette Memhatshynyń aqyndy arnaiy izdep kelip, pikirlesýi kóregendi is bolǵany anyq.
Osydan úsh jyl buryn eks-prezident Nazarbaev bilikti Qasym-Jomart Toqaevqa tabystaǵanda áigili aqyn Muhtar Shahanov Toqaevqa bailanysty málimdeme jasap, Prezidenttiń qairatkerlik qyryna toqtalyp, Qasym-Jomart Kemelulyna joǵary baǵa bergen edi.
Óz kezeginde aqyn: «Nursultan Nazarbaev bilik basyna kelgeli beri, Qazaqstandaǵy demokratiia túgeldei «jemokratiiaǵa», depýtattardyń kópshiligi «jepýtatqa» jáne qazaq tilin tebetin «tepýtatqa» ainalyp ketti» dep qatty aitqan bolatyn.
– 2015 jyly Qytai Halyq Respýblikasynyń Shańqai qalasynda 150 memlekettiń ókilderi qatysqan úlken jiynda jáne onda ótken konkýrsta, álemniń barlyq basty tilderine aýdarylǵan Shyńǵys Aitmatov ekeýmiz birlesip jazǵan «Ǵasyr airyǵyndaǵy syrlasý» («Quz basyndaǵy ańshynyń zary») atty kitabymyz «HHI ǵasyrdyń eń ozyq, parasatty kitaby» dep baǵalandy. Biraq, ol týraly Qazaqstannyń birde-bir basylymy, telearnasy jumǵan aýzyn ashqan joq. Sebebi N.Nazarbaev baspasózderde, telearnalarda meniń atymdy atamaýǵa tapsyrma berip qoiǵan. Osy kezeńde Qazaqstan Respýblikasynyń Senat tóraǵasy Qasym-Jomart Toqaev qana Nazarbaevtan seskenbei quttyqtaý Jedelhat jiberdi, – degen bolatyn aqyn.
Endi qazaq tiliniń múddesin qorǵap kele jatqan aqynǵa Memhatshynyń kelip, arnaiy sálem berýi, jarymkóńil Shahanovty silkindirip tastaǵany anyq.
