«Mysaly, bizdi keide synaidy. Bizdiń demokratiiamyz Batystaǵydai, Amerika, Germaniia, Frantsiiadaǵydai bola qalý kerek eken. Biz soǵan qarai júrip kelemiz. Biraq ol úshin ekonomikanyń 60-70 protsenti jeke menshikte bolýy kerek. Amerika ekonomikasynyń 90%-i jeke menshiktiń qolynda, ol jerde memleket joq, Germaniiada 80%-i – shaǵyn jáne orta biznestiń qolynda. Al bizde nebári 25-30 protsent.
Ekonomikanyń 60-70 protsenti biznestiń qolynda bolsa, ol adamdardyń óz úii, jumysy, biznesi, aktivi bolsa, ol sony qorǵaǵysy keledi. Sol aktivti qorǵaityn memleket bolsa eken deidi», — dedi Elbasy kezekten tys sezde.
«Biz azat, naryqtyq ekonomikasy bar, demokratiiany damytý baǵytyn ustanǵan memleket qurǵanymyzdy maqtan etemiz. Biraq, ár nárseniń óz ýaqyty bar. Biz úshin demokratiia joldyń sońy emes, basy. Biz soǵan qarai bet aldyq, dep túiindedi Elbasy.
Ol Nur Otan partiiasy búginde óz ýádesinde tura alatyn, eldegi myqty kóshbasshylardy toptastyrǵan saiasi uiym ekenin atap ótti.
«Basqa partiialar da bar, áli de bolar. Oǵan eshkimniń qarsylyǵy joq, qoǵam solai, ýaqyt solai. Biraq, sol partiialardyń barlyǵy naqty usynys jasap, elge jaqsylyq jasasa eken deimiz. Tek qana synap, kóshege shyǵyp, aiǵailap, odan ne shyǵady? Qansha aiǵailasa da, kóshege shyqsa da, túbinde, jańaǵy kópbalaly analar, jaǵdaiy joq kisiler kimge keledi? Úkimetke keledi. Bárin sheshetin memleket, úkimet», — dedi Elbasy.
Nazarbaev qazaqstandyqtardy «daý-damai shyǵarmai, aiǵai-shýsyz, depýtat bolyp, partiia qataryna qosylyp, óz partiiasymen parlamentke ótip, máselelerin sol jerde kóterýge» shaqyrdy.
