«Resei prezidenti Vladimir Pýtin men Qazaqstan prezidenti Nursultan Nazarbaev menen ekinshi merzimge qalýymdy surady», - dedi Qyrǵyzstan prezidenti qorytyndy baspasóz máslihatynda.
Onyń sózderinshe, Resei men Qazaqstan basshylary odan taǵy bir merzimge qalýyn suraǵan. «Biraq men olai istei almaitynymdy, bizdiń halyqtyń basqa ekenin túsindirdim. Olar kimdi laiyq dep sanaidy, sony sailaidy», - dep atap ótti Atambaev.
Ol sonymen birge Qyrǵyzstanda prezident sailaýy laiyqty ári taza ótedi dedi. «Jogorký Keneshke sailaýdan keiin birde-bir miting ótken joq. Árine azamattardyń óz daýystaryn satatyn faktiler kezdesedi, biraq jalpy alǵanda sailaý burynǵydai emes», - dedi Atambaev.
Ol sonymen birge prezident sailaýyn 2017 jyldyń qazan aiynda ótkizýimiz múmkin dedi.
Aita ketsek, Qyrǵyzstan zańnamasyna sai bir ret prezident bolǵan adam qaitadan sailaýǵa túse almaidy. Prezidenttik merzim 6 jyl. Atambaevtyń ókilettiligi kelesi jyldyń jeltoqsanynda aiaqtalady.
