«رەسەي پرەزيدەنتى ۆلاديمير پۋتين مەن قازاقستان پرەزيدەنتى نۇرسۇلتان نازاربايەۆ مەنەن ەكىنشى مەرزىمگە قالۋىمدى سۇرادى»، - دەدى قىرعىزستان پرەزيدەنتى قورىتىندى باسپا ءسوز ءماسليحاتىندا.
ونىڭ سوزدەرىنشە، رەسەي مەن قازاقستان باسشىلارى ودان تاعى ءبىر مەرزىمگە قالۋىن سۇراعان. «ءبىراق مەن ولاي ىستەي المايتىنىمدى، ءبىزدىڭ حالىقتىڭ باسقا ەكەنىن ءتۇسىندىردىم. ولار كىمدى لايىق دەپ سانايدى، سونى سايلايدى»، - دەپ اتاپ ءوتتى اتامبايەۆ.
ول سونىمەن بىرگە قىرعىزستاندا پرەزيدەنت سايلاۋى لايىقتى ءارى تازا وتەدى دەدى. «جوگوركۋ كەنەشكە سايلاۋدان كەيىن بىردە-بىر ميتينگ وتكەن جوق. ارينە ازاماتتاردىڭ ءوز داۋىستارىن ساتاتىن فاكتىلەر كەزدەسەدى، ءبىراق جالپى العاندا سايلاۋ بۇرىنعىداي ەمەس»، - دەدى اتامبايەۆ.
ول سونىمەن بىرگە پرەزيدەنت سايلاۋىن 2017 جىلدىڭ قازان ايىندا وتكىزۋىمىز مۇمكىن دەدى.
ايتا كەتسەك، قىرعىزستان زاڭناماسىنا ساي ءبىر رەت پرەزيدەنت بولعان ادام قايتادان سايلاۋعا تۇسە المايدى. پرەزيدەنتتىك مەرزىم 6 جىل. اتامبايەۆتىڭ وكىلەتتىلىگى كەلەسى جىلدىڭ جەلتوقسانىندا اياقتالادى.
