Memleket basshysy Nursultan Nazarbaev keshe otandyq telearnalarǵa bergen suhbatynda bilikte uzaq otyrýynyń sebebimen bólisti. Elbasy sondai-aq, óziniń prezidenttik merzimi 2020 jyly aiaqtalatynyn da qazaqstandyqtardyń esine saldy.
«Men qolymda baryn istedim, endi menen keiin budan da jaqsy istep kórsin». Bul - tanymal bir saiasatkerdiń sózi. Ol óte jaqsy jaýap berdi. Sondyqtan uzaq jumys istei me, az jumys istei me, sosyn adamnyń jasy da kóp nárseni sheshedi dep aita almaimyn. Óitkeni 30 jastaǵy adamnyń ózi kári adam uqsap júrýi ábden múmkin. Menińshe, Memleket basshysy xalyqtyń jaǵdaiyn jaqsartyp jatyr ma, joq pa, dál osyny basty talap retinde qarastyrǵan jón. Máselen, Margaret Tetcher «Angliia meni qansha qajet etse, sonsha jumys isteimin», - dep jaýap bergen. Sóitip, sharshaǵansha jumys isteimin degen. Al Ýinston Cherchil, «Meniń bul qyzmette otyrǵanym kezdeisoqtyq emes, zańdylyq» degen eken. Al, endi, shynymdy aitsam, Prezident bolý ońai emes, únemi oi shyrmaýynda júresiń, memleketke taǵy ne isteýge bolatynyn oilaisyń. Men ózime suranystyń bar ekenin sezip otyrmyn. Ol jumys qolymnan keledi de»
- dedi Nursultan Nazarbaev otandyq buqaralyq aqparat quraldarymen bolǵan kezdesýde.
Memleket basshysy óziniń prezidenttik merzimi 2020 jylǵa deiin jalǵasatynyn taǵy bir márte eske saldy.
«Oilanýǵa áli de ýaqyt bar. Barlyǵy xalyqtyń senimine bailanysty bolady. Ol - bir. Ekinshiden, jumys istep jatqan adamnyń densaýlyǵy men kúsh-jigerine bailanysty. Menińshe, bul qyzmette bar kúshińdi, tájiribeńdi, tipti ómirińdi sarp etýge ázir bolý kerek. Olai isteýge jaǵdaiyń kelmese, ol jerde tekke ýaqyt ketirýdiń qajeti joq», - dep atap kórsetti Prezident.
Derekkóz: sn.kz
