«مەن قولىمدا بارىن ىستەدىم، ەندى مەنەن كەيىن بۇدان دا جاقسى ىستەپ كورسىن». بۇل - تانىمال ءبىر ساياساتكەردىڭ ءسوزى. ول وتە جاقسى جاۋاپ بەردى. سوندىقتان ۇزاق جۇمىس ىستەي مە، از جۇمىس ىستەي مە، سوسىن ادامنىڭ جاسى دا كوپ نارسەنى شەشەدى دەپ ايتا المايمىن. ويتكەنى 30 جاستاعى ادامنىڭ ءوزى كارى ادام ۇقساپ ءجۇرۋى ابدەن مۇمكىن. مەنىڭشە، مەملەكەت باسشىسى xالىقتىڭ جاعدايىن جاقسارتىپ جاتىر ما، جوق پا، ءدال وسىنى باستى تالاپ رەتىندە قاراستىرعان ءجون. ماسەلەن، مارگارەت تەچەر «انگليا مەنى قانشا قاجەت ەتسە، سونشا جۇمىس ىستەيمىن»، - دەپ جاۋاپ بەرگەن. ءسويتىپ، شارشاعانشا جۇمىس ىستەيمىن دەگەن. ال ۋينستون چەرچيل، «مەنىڭ بۇل قىزمەتتە وتىرعانىم كەزدەيسوقتىق ەمەس، زاڭدىلىق» دەگەن ەكەن. ال، ەندى، شىنىمدى ايتسام، پرەزيدەنت بولۋ وڭاي ەمەس، ۇنەمى وي شىرماۋىندا جۇرەسىڭ، مەملەكەتكە تاعى نە ىستەۋگە بولاتىنىن ويلايسىڭ. مەن وزىمە سۇرانىستىڭ بار ەكەنىن سەزىپ وتىرمىن. ول جۇمىس قولىمنان كەلەدى دە»
- دەدى نۇرسۇلتان نازاربايەۆ وتاندىق بۇقارالىق اقپارات قۇرالدارىمەن بولعان كەزدەسۋدە.
مەملەكەت باسشىسى ءوزىنىڭ پرەزيدەنتتىك مەرزىمى 2020 جىلعا دەيىن جالعاساتىنىن تاعى ءبىر مارتە ەسكە سالدى.
«ويلانۋعا ءالى دە ۋاقىت بار. بارلىعى xالىقتىڭ سەنىمىنە بايلانىستى بولادى. ول - ءبىر. ەكىنشىدەن، جۇمىس ىستەپ جاتقان ادامنىڭ دەنساۋلىعى مەن كۇش-جىگەرىنە بايلانىستى. مەنىڭشە، بۇل قىزمەتتە بار كۇشىڭدى، تاجىريبەڭدى، ءتىپتى ءومىرىڭدى سارپ ەتۋگە ءازىر بولۋ كەرەك. ولاي ىستەۋگە جاعدايىڭ كەلمەسە، ول جەردە تەككە ۋاقىت كەتىرۋدىڭ قاجەتى جوق»، - دەپ اتاپ كورسەتتى پرەزيدەنت.
دەرەككوز: sn.kz
