– Meditsina qyzmetkerleriniń úilesimdi jumysyn erekshe atap ótkim keledi. Qiyn jaǵdaida quqyq qorǵaý organdary da tiimdiligin kórsetip otyr. Úkimet pen jergilikti atqarýshy organdar da belsendi jumys isteýde, – dedi Nursultan Nazarbaev.
Elbasy Memleket basshysynyń tapsyrmalaryn sapaly júzege asyrýdyń mańyzdylyǵyna toqtaldy.
– Prezidenttiń barlyq bastamalaryn jergilikti jerlerdegi halyqqa jetkizý mańyzdy. Men bul máselege ákimdermen telefon arqyly bolǵan áńgime barysynda da toqtalǵan edim, – dedi Qazaqstannyń Tuńǵysh Prezidenti.
Sondai-aq, Nursultan Nazarbaev qazirgi jaǵdaida ekonomikalyq qaýipsizdikti qamtamasyz etý qajettiligine nazar aýdardy.
– Álemdegi ekonomikalyq ahýal kúrdeli. Biraq birinshi toqsannyń qorytyndysy boiynsha elimizdiń kórsetkishteri jaman emes. Alaida karantinniń saldary ekonomikalyq kórsetkishterge áli tolyq áser ete qoimaǵanyn eskerýimiz kerek. Osy oraida shaǵyn jáne orta biznesti qoldaý, halyqty azyq-túlikpen qamtamasyz etý máselesi mańyzdy. Qazir daǵdarystan keiingi kezeńde ne isteitinimizdi oilastyrǵanymyz jón. Ekonomika tómendep, 2008 jylǵy daǵdarystyń saldarynan da aýyr bolýy múmkin, – dedi Elbasy.
Nursultan Nazarbaev otandyq ekonomikany qoldaý úshin Ulttyq qor men Úkimet qorynan 10 milliard dollardyń ýaqytynda bólinip jatqandyǵyn atap ótti.
Óz kezeginde Premer-Ministr Qazaqstannyń Tuńǵysh Prezidentine el aýmaǵynda koronavirýs infektsiiasynyń taralýynyń aldyn alý jáne áleýmettik-ekonomikalyq turaqtylyqty qamtamasyz etý boiynsha qabyldanyp jatqan sharalar jóninde aqparat berdi.
Kezdesý sońynda Nursultan Nazarbaev ekonomikanyń shikizattyq emes sektorlaryn damytýǵa baǵyttalǵan baǵdarlamalardy iske asyrýdyń mańyzdylyǵyn atap ótti.
– Biz budan da zor synaqtardy ótkergenbiz. Bul aýyrtpalyqty da eńseremiz. Eń bastysy – el birligi men sabyrlyǵy. Meniń oiymsha Úkimet tiimdi jumys atqaryp jatyr. Erteń meniń Qazaqstan halqyna úndeý jasaǵan maqalam jariialanady. Qazir búkil álem qiyn kúi keshýde. Derttiń taralý qaýpi áli seiilmei tur. Sondyqtan barshamyz bir-birimizge degen syilastyqty saqtai otyryp, tabandylyq pen tózimdilik tanytýymyz kerek, – dedi Elbasy.
