«Jer — ata-babamyzdan bizge mıras bolyp qalǵan eń basty qazynamyz, ultymyzdyń uly baılyǵy. Qazaqtyń dalasy — halyqtyń menshigi. Qazaqstannyń 14 myń shaqyrym shekarasyn shegendeý úshin men 8 jyl ár jerde, ár adamdarmen, ár basshylarmen kelissózder júrgizdim, qıyn-qıyn jerlerden óttik. Kelistik. Tuńǵysh ret Qazaqstannyń óz terıtorıasy bar. Shekarany shegendedik. Ne úshin? Jerdiń tutastyǵy úshin jasap otyrmyz ony. Jer týraly kodekstegi ózgerister aýyl sharýashylyǵymen aınalysyp júrgen sharýaqor adamdarǵa jeńildik jasaýdy kózdeıdi. Olar jerdiń qojasy bolsa, jerdiń qadirleıdi. Kútedi», — dedi Elbasy.
Osy rette QR Prezıdenti jerdi jalǵa berý álemniń barlyq elderinde bar ekendigin atap ótip, naqty mysaldar da keltire ketti.
«Tóńirektegi ártúrli alypqashpa áńgimeler men pikirler — arandatýshylardyń búgingi áreketiniń biri. Onyń ishinde baıaǵy qashqyndar da bar, bosqyndar da bar. Bilemiz barlyǵyn. Degenmen, osy máselege kóńil bólgeni úshin men bir jaǵynan aǵaıynǵa qýanamyn. Laıym, árqashan jerge degen qasıetti kóńil osyndaı bolsa, bizdiń halyq qasyq qany qalǵansha osy jerdi qorǵaıdy dep bilemin», — dedi N.Nazarbaev.
