"Álige deiin esimde, táýelsizdik alǵan alǵashqy jyldary asa aýyr boldy. Jumys joq, ailyq atymen joq, dúken, dúńgirshekterdiń sóreleri bos jatatyn. Sonda el-jurt "ber, ber" dep otyratyn-dy. Úkimette aqsha joq bolsa, qaidan, qalai beremiz?
Alaida búgingi kúni sol 30 jyl burynǵy urandardy qaita kóterip júr.
"Maǵan ber, kishkentai balalarym kóp deidi, ailyǵym az, taǵy ber deidi. Sonda bas kezinde neni oiladyń? Bul seniń problemań. Sen Úkimetpen aqyldasqan joqsyń ǵoi?", - dedi Elbasy Nur Otan partiiasy Saiasi keńesiniń keńeitilgen otyrysynda.
Nazarbaevtyń pikirinshe, Úkimet kómekke muqtaj adamdarǵa qol ushyn sozsa da, ol adamdar báribir de "ber, ber" dep shyǵa keledi. Osy sebepti el arasynda memlekettiń kómektiń talaptary qatysty túsindirý jumystaryn júrgizý qajet.
"Aitalyq, osy kúnge deiin bir million oralmandy elge shaqyryp, otanyna alyp keldik. Álemdegi birde-bir el muny jasaǵan joq. Al biz Qazaqstanǵa alyp keldik, qareket etińder, bala-shaǵalaryń ósip-ónsin desek, olar "maǵan berińder" deidi. Eńbek etińder. Jumys isteńder. Myna memlekettiń qarjysyn ulǵaitatyn – el, halyq. El jumys istemese, memlekette de aqsha bolmaidy. Aqsha bolmasa, neni beremiz?", - dedi Nazarbaev.
