Qazaqstannyń tuńǵysh prezidenti Nursultan Nazarbaev qazir "Amanat" partiiasynyń múshesi emes. Bul týraly onyń baspasóz hatshysy Aidos Úkibai Azattyqqa bergen jaýabynda málimdedi, dep habarlaidy dalanews.kz.
Úkibaidyń aitýynsha, Nazarbaevtyń búginde partiia jumysyna da, ondaǵy qazirgi ózgeristerge de qatysy joq. Ol eks-prezidenttiń memleket basshysy retindegi ókiletin 2019 jyly toqtatqanyn eske saldy.
"Nursultan Ábishulynyń partiiaǵa qandai qatysy bolýy múmkin? Ol prezidenttik ókiletin 2019 jyly toqtatty", – dedi Aidos Úkibai.
Baspasóz hatshysynyń sózinshe, Nazarbaev qazirgi ýaqytta saiasatqa aralaspaidy. Osylaisha ol eks-prezidenttiń ózi negizin qalaǵan partiiadaǵy protsesterge yqpal etýi múmkin degen pikirlerge jaýap berdi.
Aita keteiik, Nursultan Nazarbaev 2019 jylǵy 19 naýryzda Qazaqstan halqyna úndeý jasap, prezidenttik ókiletin toqtatatynyn jariialaǵan edi. Biyl onyń memleket basshysy qyzmetinen ketkenine jeti jyl boldy.
