6 shildede eks-prezident Nursultan Nazarbaev 85 jasqa tolady. Biyl Nazarbaev 85 jyldyq mereitoiyn qalai toilamaq?
Kursiv.Media-ǵa saiasattanýshy Ǵaziz Ábishev pikirin bildirgen. Onyń sózinshe, qazir halyqtyń kóp bóligi shildedegi jalǵyz memlekettik merekeni Astana kúni ǵana dep qabyldaidy.
"Saiasatker týǵan kún – onyń jeke merekesi. Memleket isine eshqandai qatysy joq. Halyqtyń basym bóligi jalpy saiasi jaǵdaidy jaqsy túsinedi. Sondyqtan olar eks-prezidenttiń týǵan kúnin atap ótpeidi dep oilaimyn. Óitkeni turǵyndardyń deni 6 shildedegi demalysty Astana kúni retinde qabyldaidy", – dep topshylaidy Ábishev.
85 jas – kópshiligi "altyn mereitoi" dep ataityn eleýli beles. Postkeńestik elderde osynaý kemeńger jasqa tolǵan qoǵam jáne mádeniet qairatkerleriniń mereitoiyn memleket deńgeiinde atap ótetin dástúr qalyptasqan.
"Eks-prezidenttiń ózi atap ótetin shyǵar. Óz kúnin toilaýǵa quqyly. Onyń jaqyn týystary, sonymen bailanysyn úzbegen adamdar da týǵan kún toilaidy. Burynǵy prezidenttiń saiasi bekgraýndyn, yqpaldy tulǵa ekenin eskersek – el ishindegi, shetelden de tanymal tulǵalar týǵan kún iesin quttyqtaityny anyq. Alaida bul kún memleket deńgeiinde atap ótilmeidi", – deidi Ábishev.
Al depýtat Ermurat Bapi basylymǵa bergen suhbatynda bul kún jai ǵana zeinetkerdiń mereitoiy ekenin aitypty.
"Biyl eshteńe bolmaidy. Úkimettiń Nazarbaevtyń 85 jasqa tolýyna qatysty eshqandai ustanymy joq. Qarapaiym zeinetkerdiń mereitoiy ǵana. Qarapaiym kún. Maǵan ótken 30 jylda da eshqandai aiyrmashylyǵy joq kádimgi kún bolǵan", – deidi 66 jastaǵy depýtat.
Eske salaiyq, Astana kúnin 2008 jyly sol kezde bilik basynda otyrǵan Nursultan Nazarbaevtyń ózi bekitken.
