AQSH óner isteri jónindegi federaldyq komısıasy 24 karatty altynnan jasalǵan Tramp beıneli estelik monetanyń shyǵarylýyn maquldady. Moneta 2026 jyly eldiń 250 jyldyǵyna arnalǵan koleksıalyq serıaǵa kiredi jáne aınalymǵa shyqpaıdy, dep habarlaıdy Dalanews.kz "Reuters"-ke silteme jasap.
Moneta dızaıny Vashıngtondaǵy Ulttyq portret galereıasyndaǵy Tramptyń resmı fotosýretine negizdelgen: prezıdent ústelge súıenip, alǵa qaraı turǵan kúıde beınelengen. Moneta aversinde "Liberty" jáne 1776–2026 jyldary, ulttyq devız "In God We Trust" jazýlary, reverste – AQSH sımvoly – aqbasty qyran beınelenedi.
AQSH Qazynashylyq mınıstri Brendon Bıch monetanyń demokratıa men el rýhyn beıneleıtinin atap ótti. Degenmen synaǵan demokrattar da boldy: senator Djeff Merklı ony «monarhtar men dıktatorlarǵa tán qadam» dep baǵalap, 250 jyldyq mereıtoı mánin burmalaý áreketi dep atady.
