Sportshy buǵan deıin jurtty kóshede dezınfeksıa jasap júrgenderdi uryp-soǵyp, dári seýip júrgen tikushaqtardy atýǵa shaqyryp, úndeý jasaǵan bolatyn. Sodan keıin ol tıisti prosesýaldyq áreketterdi júzege asyrý úshin Almaty qalasynyń polısıa bólimine jetkizildi. İshki ister mınıstrligi muny tikeleı zańbuzýshylyq dep atap ótti.
- Sportshy Qýat Hamıtovtyń avtorlyǵyndaǵy vıdeoǵa pikir bildire keteıin. Ol zorlyq-zombylyqqa shaqyratyn úndeý jasap, ony vıdeoǵa túsipi, áleýmettik jelilerdiń birindegi óziniń paraqshasynda jarıalady.
Bul tikeleı zańbuzýshylyq jáne qylmystyq quqyq buzýshylyq bolyp tabylady. İshki ister mınıstrligi azamattardy bile tura jalǵan aqparat taratpaýǵa shaqyrady, tek memlekettik organdardyń resmı málimetterine sený kerek.
Zańdy buzǵan jaǵdaıda ákimshilik jáne qylmystyq jaýapkershilik qarastyrylǵanyn árdaıym este saqtaý qajet, - dedi QR İshki ister mınıstrliginiń resmı ókili Nurdildá Oraz.
