14 naýryz kúni Qazaqstanda jalpyulttyq Naýryznama onkúndigi bastalady. Biyl máni tereń Naýryz merekesi erekshe atalyp ótedi,- dep habarlaidy Dalanews.kz
2024 jyly Memleket basshysy Qasym-Jomart Toqaevtyń bastamasymen Naýryz meiramyn toilaýdyń jańa formaty – Naýryznama onkúndigi, sondai-aq merekeniń jańa logotipi bekitildi.
«Naýryz» biryńǵai logotipindegi úsh qyzǵaldaq – ýaqyttyń úsh kezeńin, iaǵni elimizdiń keshegi tarihyn, qazirgi damýyn jáne keleshek baǵdaryn beineleidi.
Tarihi turǵydan, Naýryznama – myńjyldyqtardan bastaý alatyn halqymyzdyń mádeni murasy.
Qazaq mádenietinde Naýryzdy toilaý dástúri eshqashan bir kúnmen shektelmegen. Eger Naýryz Ortalyq Aziiada, Taiaý Shyǵysta, Kavkazda, Balqan elderinde halyqaralyq deńgeide atalyp ótetin meiram bolsa, onda Naýryznama – keminde 8 kúnge sozylatyn Uly dalanyń halyqtyq merekesi. Bul týraly kezinde Abai Qunanbaiuly, belgili etnograf-ǵalym Máshhúr Júsip Kópeiuly jazǵan.
Osylaisha, Naýryznama – jasandy jańashyldyq emes, kerisinshe, kópkúndik merekeleý arqyly onyń qyr-syryn ashyp, dástúrli sipatyn damytýǵa baǵyttalǵan.
2024 jyly onkúndik aiasynda elimizde 800-den astam is-shara, sonyń ishinde kórmeler, festivaldar, ádebi-mýzykalyq keshter, qaiyrymdylyq aktsiialary, mádeni-sporttyq is-sharalar uiymdastyryldy.
Biregei mereke ártúrli jastaǵy jáne áleýmettik toptaǵy turǵyndardy ulttyq dástúr tóńiregine biriktirip, ózara túsinistik pen qurmet atmosferasyn qalyptastyrady.
Bereke men birliktiń merekesi Naýryz – ótken men búginniń, Qazaqstannyń túrli mádenietteri men dástúrleriniń arasyndaǵy kópir. Memleket basshysy Qasym-Jomart Toqaev qazaqstandyqtardy Naýryz meiramymen quttyqtaýynda onyń mańyzyn erekshe atap ótti.
«Babalarymyz ejelgi zamannan beri Ulys kúnin jyl basy retinde atap ótken. Qazir Áz Naýryz kúlli halyqqa ortaq jalpyulttyq merekege ainaldy. Ony ultyna, dinine qaramastan barsha jurtymyz erekshe kútedi, birge atap ótedi», – dedi Prezident.
Naýryznamanyń árbir kúni qoǵam ómiriniń jekelegen aspektine arnalǵan. Bul merekeniń maǵynasy men mánin tereńdetýge múmkindik beredi. Jańarý jeke qarym-qatynastardan bastap qoǵamdyq qundylyqtarǵa deiingi barlyq salalardy qamtýy tiis.
«Kórisý – Amal merekesi» (aman-saýlyq surasyp, aǵaiynmen kezdesýler jáne igi tilekter kúni), «Qaiyrymdylyq» (qaiyrymdy ister kúni), «Mádeniet jáne ulttyq salt-dástúr» (ulttyq salt-dástúr men mádeniet kúni), «Shańyraq» (otbasy kúni), «Ulttyq kiim» kúni, «Jańarý» kúni, «Ulttyq sport» kúni, «Yntymaq» (birlik pen yntymaq kúni), «Jyl basy» jáne «Tazarý» kúni siiaqty taqyryptyq kúnder qazaqstandyq mádeniet pen qundylyqtardyń mańyzyn aishyqtaidy.
Naýryznama – el birligin nyǵaitýdyń mańyzdy ishki faktory ǵana emes, sonymen qatar Qazaqstannyń syrtqy saiasattaǵy ustanymyn bekitýdiń mańyzdy elementi.
Bai tarihy bar, jańarý men birliktiń simvolyna ainalǵan Naýryznama Rio-de-Janeiro karnavalyna, Japoniiadaǵy sakýra gúldeýi merekesine, Úndistandaǵy Holi festivaline, Germaniiadaǵy Oktoberfestke, Ispaniiadaǵy San-Fermin nemese Tomatina festivalderine uqsas Qazaqstannyń negizgi týristik brendi bola alady.
Merekeniń onkúndik formaty festival tsiklin qurýǵa múmkindik beredi, onda kún saiyn týristerge qazaqtyń salt-dástúrin, ulttyq taǵamdaryn, oiyndaryn, mýzykasyn, qolóneri men zamanaýi ónerin tanystyratyn jańa qyzyqty is-sharalar usynýǵa bolady.
Biyl Naýryznama onkúndigi aiasynda elimiz boiynsha halyqtyń dástúrlerin, mádenieti men tarihyn nasihattaýǵa baǵyttalǵan 1,5 myńnan astam is-shara ótkizý josparlanǵan.
Atap aitqanda, Astana qalasynda «Qamajai» fleshmoby, Aqmola oblysynda kreativti indýstriia ókilderi men qoldanbaly óner sheberleriniń qatysýymen «Naýryz – Arbat» jobasy, Kókshetaýda myńnan astam áiel qatysatyn «Kimeshekter sherýi», Aqtóbede «Ulttyq kiim – ult beinesi» atty ulttyq kiimder sherýi, halyqtyń ulttyq mádenietke degen qyzyǵýshylyǵyn oiatýǵa baǵyttalǵan basqa da kóptegen aýqymdy is-sharalar ótedi.
