Almatynyń Almaly aýdanynda Naýryznama baǵdarlamasy aiasynda "Sport – dostyq alańy" ulttyq sport festivali ótti, dep habarlaidy Dalanews.kz.
Is-sharaǵa aýdan ákimdiginiń ókilderi, Ile aýdanynan kelgen Respýblikalyq analar qoǵamynyń músheleri qatysty. Sonymen qatar festivalge aýdan turǵyndary jáne sportta daryndy balalarǵa arnalǵan arnaýly mektep-internat-kolledjiniń oqýshylary qonaq retinde shaqyryldy.
Ashylý rásiminde oqý ornynyń basshysy Jámilá Tanabaeva qatysýshylardy Kórisý kúni merekesimen quttyqtap, jarysqa qatysýshylarǵa sáttilik tiledi.
Festival baǵdarlamasy aiasynda ulttyq jáne sporttyq oiyndar boiynsha túrli saiystar uiymdastyryldy. Qatysýshylar asyq atý, kir tasyn kóterý, arqan tartý, qol kúresi jáne sekirtpemen sekirý boiynsha baq synasty. Jarys qorytyndysy boiynsha jeńimpazdardy marapattaý rásimi uiymdastyryldy. Qatysýshylar men kórermender úshin kontserttik baǵdarlama usynyldy.
Aita keteiik, festivaldiń negizgi maqsaty – qala turǵyndary arasynda ulttyq sport túrlerin keńinen nasihattaý jáne salaýatty ómir saltyn qalyptastyrý.
