Naýryz meiramynda Oral qalasynyń Zashaǵan kentinde 9 qabatty jańa turǵyn úi qoldanysqa berildi. Aitýly shara Naýryznamanyń Yntymaq kúnimen qatar keldi.
Páter kiltterin tapsyrý rásimine Batys Qazaqstan oblysynyń ákimi Nariman Tóreǵaliev qatysty. Óńir basshysy jinalǵandardyń barlyǵyn Naýryz meiramymen quttyqtap, jańa qonys ielerine baqyt tiledi.
«Memleket basshysy Qasym-Jomart Toqaev óz joldaýlarynda halyqtyń ál-aýqaty men ómir súrý sapasyn arttyrý – memlekettiń basty mindeti ekenin atap ótti. Osy oraida, ár otbasyn turǵyn úimen qamtamasyz etýge baǵyttalǵan bastamalar mańyzǵa ie.
Búgin, mine osy baǵdarlama arqyly kezekte turǵan 80 otbasy baspanaly boldy. Búgingi jańa páter ielerin baspanaly bolýlarymen quttyqtaimyn. Sondai-aq, Naýryz meiramy barshańyzǵa qut-bereke ákelsin!» – dedi aimaq basshysy.
Prezidentiniń tapsyrmasy boiynsha elimizde «Qýatty óńirler – el damýynyń draiveri» jobasy júzege asýda. Jańa turǵyn úi qurylysy atalmysh joba aiasynda júzege asyryldy.
«Kóp jyl kezekte turdyq. Endi mine armanymyz oryndaldy. Memleketke rizamyz. Endi mine, Naýryz meiramyn jańa páterde qarsy alamyz, qýanyshymyzda shek joq» – dedi jańa páter iesi Nurgúl Esenalieva.
Aita ketý kerek, Oral qalasynda 2024 jyly 1400-den astam páterdi qoldanysqa berý josparlanyp otyr.
Batys Qazaqstan oblysy ákiminiń baspasóz qyzmeti
