ناۋرىز مەيرامىندا ورال قالاسىنىڭ زاشاعان كەنتٸندە 9 قاباتتى جاڭا تۇرعىن ٷي قولدانىسقا بەرٸلدٸ. ايتۋلى شارا ناۋرىزنامانىڭ ىنتىماق كٷنٸمەن قاتار كەلدٸ.
پەتەر كٸلتتەرٸن تاپسىرۋ رەسٸمٸنە باتىس قازاقستان وبلىسىنىڭ ەكٸمٸ ناريمان تٶرەعاليەۆ قاتىستى. ٶڭٸر باسشىسى جينالعانداردىڭ بارلىعىن ناۋرىز مەيرامىمەن قۇتتىقتاپ, جاڭا قونىس يەلەرٸنە باقىت تٸلەدٸ.
«مەملەكەت باسشىسى قاسىم-جومارت توقاەۆ ٶز جولداۋلارىندا حالىقتىڭ ەل-اۋقاتى مەن ٶمٸر سٷرۋ ساپاسىن ارتتىرۋ – مەملەكەتتٸڭ باستى مٸندەتٸ ەكەنٸن اتاپ ٶتتٸ. وسى ورايدا, ەر وتباسىن تۇرعىن ٷيمەن قامتاماسىز ەتۋگە باعىتتالعان باستامالار ماڭىزعا يە.
بٷگٸن, مٸنە وسى باعدارلاما ارقىلى كەزەكتە تۇرعان 80 وتباسى باسپانالى بولدى. بٷگٸنگٸ جاڭا پەتەر يەلەرٸن باسپانالى بولۋلارىمەن قۇتتىقتايمىن. سونداي-اق, ناۋرىز مەيرامى بارشاڭىزعا قۇت-بەرەكە ەكەلسٸن!» – دەدٸ ايماق باسشىسى.
پرەزيدەنتٸنٸڭ تاپسىرماسى بويىنشا ەلٸمٸزدە «قۋاتتى ٶڭٸرلەر – ەل دامۋىنىڭ درايۆەرٸ» جوباسى جٷزەگە اسۋدا. جاڭا تۇرعىن ٷي قۇرىلىسى اتالمىش جوبا اياسىندا جٷزەگە اسىرىلدى.
«كٶپ جىل كەزەكتە تۇردىق. ەندٸ مٸنە ارمانىمىز ورىندالدى. مەملەكەتكە ريزامىز. ەندٸ مٸنە, ناۋرىز مەيرامىن جاڭا پەتەردە قارسى الامىز, قۋانىشىمىزدا شەك جوق» – دەدٸ جاڭا پەتەر يەسٸ نۇرگٷل ەسەناليەۆا.
ايتا كەتۋ كەرەك, ورال قالاسىندا 2024 جىلى 1400-دەن استام پەتەردٸ قولدانىسقا بەرۋ جوسپارلانىپ وتىر.
باتىس قازاقستان وبلىسى ەكٸمٸنٸڭ باسپاسٶز قىزمەتٸ
